തമിഴ്​നാട് സർക്കാർ 'വലിമൈ' സിമന്‍റ് വിപണിയിലിറക്കി

ചെന്നൈ: തമിഴ്​നാട്​ സർക്കാർ ഉൽപാദിപ്പിക്കുന്ന 'വലിമൈ' സിമൻറിന്‍റെ വിപണനോദ്​ഘാടനം മുഖ്യമന്ത്രി എം.കെ. സ്​റ്റാലിൻ നിർവഹിച്ചു. വലിമൈ പ്രീമിയം 50 കിലോയുടെ ചാക്കിന്​ 350 രൂപയും വലിമൈ സുപ്പീരിയർ ചാക്കിന്​ 365 രൂപയുമാണ്​ നിരക്ക്​.

വിപണിയിൽ സ്വകാര്യ കമ്പനികളുടെ സിമൻറിന്​ 490 രൂപ വരെ വിലയുണ്ട്​. തമിഴ്​നാട്​ സർക്കാറി​െൻറ 'അരസു' സിമൻറ്​ നിലവിൽ മാസംതോറും 90,000 ടൺ വിറ്റഴിക്കുന്നുണ്ട്​.

ആറുമാസത്തിനിടെ സ്വകാര്യ കമ്പനികളുടെ സിമൻറിന്​ വില കുതിച്ചുയർന്നതോടെയാണ്​ സംസ്​ഥാന സർക്കാർ സ്വന്തം നിലയിൽ സിമൻറ്​ ഉൽപാദനം ത്വരിതപ്പെടുത്തിയത്​.