'മീ​ണ്ടും മ​ഞ്ച​പ്പൈ'; മഞ്ഞ തുണി സഞ്ചികളുമായി പ്ലാസ്റ്റികിനെതിരെ സ്റ്റാലിന്‍റെ യുദ്ധം

ചെ​ന്നൈ: സം​സ്​​ഥാ​ന​ത്ത്​ പ്ലാ​സ്​​റ്റി​ക്​ കാ​രി ബാ​ഗ്​ നി​രോ​ധ​ന​ത്തി​‍െൻറ ഭാ​ഗ​മാ​യി പ​ര​മ്പ​രാ​ഗ​ത മ​ഞ്ഞ തു​ണി​സ​ഞ്ചി ഉ​പ​യോ​ഗം പ്രോ​ത്സാ​ഹി​പ്പി​ക്കു​ന്ന 'മീ​ണ്ടും മ​ഞ്ച​പ്പൈ' കാ​മ്പ​യി​ൻ മു​ഖ്യ​മ​ന്ത്രി എം.​കെ. സ്​​റ്റാ​ലി​ൻ ഉ​ദ്​​ഘാ​ട​നം ചെ​യ്​​തു. വ്യാ​പാ​ര സ്​​ഥാ​പ​ന​ങ്ങ​ളി​ലും മ​റ്റും മ​ഞ്ഞ​നി​റ​ത്തി​ലു​ള്ള തു​ണി​സ​ഞ്ചി​ക​ൾ ന​ൽ​കാ​നാ​ണ്​ സം​സ്​​ഥാ​ന സ​ർ​ക്കാ​ർ നിർദേശം.

ഉപയോഗിച്ച്​ വലിച്ചെറിയുന്ന പ്ലാസ്റ്റികിന്‍റെ ദൂഷ്യങ്ങൾ മുഖ്യമന്ത്രി സ്റ്റാലിൻ വിശദീകരിച്ചു. പ്ലാസ്റ്റിക്​ മണ്ണിനെ മലിനമാക്കുമെന്നും മണ്ണ്​ മലിനമായാൽ കൃഷി നശിക്കുമെന്നും അദ്ദേഹം പറഞ്ഞു. സർക്കാറിന്​ മാത്രമായി ഇത്തരം കാര്യങ്ങളിൽ കാര്യമായൊന്നും ചെയ്യാനില്ലെന്നും ജനങ്ങൾ സഹകരിക്കണമെന്നും സ്റ്റാലിൻ ആഹ്വാനം ചെയ്തു.

ത​മി​ഴ്‌​നാ​ട് സ​ർ​ക്കാ​ർ 2019 ജ​നു​വ​രി ഒ​ന്ന്​ മു​ത​ൽ പ്ലാ​സ്റ്റി​ക് നി​രോ​ധ​നം ഏ​ർ​പ്പെ​ടു​ത്തി​യി​രു​ന്നു​വെ​ങ്കി​ലും പൂ​ർ​ണ​മാ​യും ഫ​ല​വ​ത്താ​യി​ല്ല. ഈ ​സാ​ഹ​ച​ര്യ​ത്തി​ലാ​ണ്​ പോ​ളി​ത്തീ​ൻ ക​വ​റു​ക​ളു​ടെ ഉ​പ​യോ​ഗം ക​ർ​ശ​ന​മാ​യി നി​യ​ന്ത്രി​ക്കാ​ൻ ക​ല​ക്​​ട​ർ​മാ​ർ​ക്ക്​ നി​ർ​ദേ​ശം ന​ൽ​കി​യ​ത്. പ്ലാ​സ്റ്റി​ക് നി​രോ​ധ​നം ക​ർ​ശ​ന​മാ​യി ന​ട​പ്പാ​ക്കാ​നും ബോ​ധ​വ​ത്​​ക​ര​ണ പ​രി​പാ​ടി​ക​ൾ ഊ​ർ​ജി​ത​പ്പെ​ടു​ത്താ​നും സം​സ്ഥാ​ന സ​ർ​ക്കാ​ർ ന​ട​പ​ടി സ്വീ​ക​രി​ച്ചി​ട്ടു​ണ്ട്.