ഐ.ഡി.ബി.ഐ ബാങ്ക്​, എൽ.ഐ.സി ഓഹരികൾ വിറ്റഴിക്കും

ന്യൂഡൽഹി: പൊതുമേഖലാ സ്ഥാപനങ്ങളുടെ ഓഹരി വിൽപ്പനയിലൂടെ 2.1 ലക്ഷം കോടി രൂപയാണ്​ ലക്ഷ്യമിടുന്നതെന്ന്​ കേന്ദ്രധനമ ന്ത്രി നിർമല സീതാരാമൻ. ഐ.ഡി.ബി.ഐ ബാങ്കി​​െൻറ അവശേഷിക്കുന്ന ഓഹരികൾ വിറ്റഴിക്കാൻ തീരുമാനിച്ചതായി ധനമന്ത്രി അറിയിച്ചു. എൽ.ഐ.സിയുടെ പ്രാഥമിക ഓഹരികളും വിൽപന നടത്തും.

ശക്തമായ സമ്പദ്‌വ്യവസ്ഥക്കായി വിശ്വസനീയവും കരുത്തുറ്റതുമായ സാമ്പത്തിക മേഖല നിർണായകമാണെന്ന്​ ധനമന്ത്രി പറഞ്ഞു. പൊതുമേഖലാ ബാങ്കുകൾക്ക്​ 3.5 കോടി രൂപയുടെ മൂലധനം നൽകി.

നിക്ഷേപക ഇൻഷുറൻസ് പരിരക്ഷ ഒരു ലക്ഷത്തിൽ നിന്ന് അഞ്ച്​ ലക്ഷമായി ഉയർത്തും. ബാങ്കുകളിലെ എല്ലാ നിക്ഷേപങ്ങളും സുരക്ഷിതമാണെന്ന് മന്ത്രി ആവർത്തിച്ചു.