Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightദുരിതാശ്വാസ...

ദുരിതാശ്വാസ നിധിയിലേക്ക്​ പിരിച്ച 4.04 കോടി പി.എം ​കെയേർസിലേക്ക്​ വകമാറ്റി; വിവാദം

text_fields
bookmark_border
ദുരിതാശ്വാസ നിധിയിലേക്ക്​ പിരിച്ച 4.04 കോടി പി.എം ​കെയേർസിലേക്ക്​ വകമാറ്റി; വിവാദം
cancel

ന്യൂഡൽഹി: ദുരിതാശ്വാസ നിധിയിലേക്ക്​ ഡൽഹി യൂനിവേഴ്​സിറ്റി ജീവനക്കാരിൽനിന്ന്​ പിരിച്ച 4.04 കോടി രൂപ പി.എം ​കെയേർ സിലേക്ക്​ വകമാറ്റി. തങ്ങളുടെ അറിവില്ലാതെ തുക വകമാറ്റിയതിനെതിരെ രൂക്ഷ വിമർശനവുമായി ജീവനക്കാർ രംഗത്തെത്തി.

യൂനിവേഴ്സിറ്റി ഗ്രാൻറ്​സ്​ കമ്മീഷ​​െൻറ നിർദേശപ്രകാരമാണ്​ കോവിഡ്​ പ്രതിരോധത്തിന്​ പ്രധാനമന്ത്രിയുടെ ദേ ശീയ ദുരിതാശ്വാസ ഫണ്ടിലേക്ക് (പി‌എം‌എൻ‌ആർ‌എഫ്) ജീവനക്കാരോട്​ സംഭാവന പിരിച്ചത്​. ഇതിലേക്ക്​ ഒരുദിവസത്തെ വേതനം എല്ലാവരും നൽകി. ഇത്​ ഏതാണ്ട്​ 4.04 കോടി രൂപ വരും. എന്നാൽ, ശേഖരിച്ച പണം ഉത്തരവിന്​ വിരുദ്ധമായി പി‌എം-കെയേർസ് ഫണ്ടിലേക്ക് അയച്ചതായാണ്​ വൈസ് ചാൻസലർ യോഗേഷ് ത്യാഗി അറിയിച്ചത്​. കേന്ദ്ര മാനവ വിഭവശേഷി മന്ത്രാലയത്തി​​െൻറ നിർദേശാടിസ്ഥാനത്തിലാണ് മാറ്റം വരുത്തിയതെന്ന് മുതിർന്ന സർവകലാശാല ഉദ്യോഗസ്ഥൻ പറഞ്ഞു.

തുക വകമാറ്റിയതിൽ യൂനിവേഴ്സിറ്റി ടീച്ചേഴ്സ് അസോസിയേഷൻ കടുത്ത രോഷം പ്രകടിപ്പിച്ചു. സുതാര്യത നഷ്​ടപ്പെട്ടതായും ജീവനക്കാർക്ക്​ സർവകലാശാലയിലുള്ള വിശ്വാസം നശിപ്പിക്കുന്നതാണ്​ ഇൗ നടപടിയെന്നും​ അസോസിയേഷൻ ആരോപിച്ചു. “ഒരു കാര്യത്തിന്​ വേണ്ടിവാങ്ങിയ സംഭാവന മറെറാരു കാര്യത്തിന്​ നൽകുന്നത്​ സർവകലാശാലയുടെ പ്രഫഷനൽ പ്രവർത്തനത്തിലുള്ള ഞങ്ങളുടെ വിശ്വാസം ഇല്ലാതാക്കുന്നതാണെന്ന്​” വി‌.സിക്ക് എഴുതിയ കത്തിൽ അസോസിയേഷൻ വ്യക്​തമാക്കി.

“മുമ്പും ഞങ്ങൾ പ്രാദേശിക സ്റ്റാഫ് അസോസിയേഷനുകൾ വഴിയും വൈസ് ചാൻസലറുടെ ദുരിതാശ്വാസ ഫണ്ട് വഴിയും പി‌.എം‌.എൻ.‌ആർ.‌എഫിനോ മുഖ്യമന്ത്രിയുടെ ദുരിതാശ്വാസ ഫണ്ടിനോ ധനസഹായം നൽകിയിട്ടുണ്ട്. ജീവനക്കാരനും കോളജും സർവകലാശാലയും തമ്മിലുള്ള വിശ്വാസ്യതയും സുതാര്യതയും കാരണം ഇത് ഫലപ്രദമായി പ്രവർത്തിച്ചിരുന്നു. ഈ സുതാര്യത ലംഘിക്കപ്പെട്ടു എന്നത് വളരെ നിർഭാഗ്യകരമാണ് ”ടീച്ചേഴ്സ് അസോസിയേഷൻ കൂട്ടിച്ചേർത്തു.

പി.എം കെയേർസി​​െൻറ സുതാര്യതയെ കുറിച്ച്​ നിരവധി ചോദ്യങ്ങൾ ഇതിനകം ഉയർന്നിരുന്നു. കോൺഗ്രസും രാമചന്ദ്ര ഗുഹ ഉൾപ്പെടെയുള്ള പ്രമുഖരും ഇതി​​െൻറ വിശ്വാസ്യതയിലും ഘടനയിലും സംശയം പ്രകടിപ്പിച്ചിരുന്നു. വിവാദമായ ഫണ്ടിലേക്ക്​ തങ്ങളുടെ സംഭാവന വകമാറ്റിയതിനെതിരെ ഡൽഹി സർവകലാശാല ജീവനക്കാരിൽ അസംതൃപ്​തി പുകയുകയാണ്​.

Show Full Article
TAGS:PMNRF du PM-CARES covid 19 india 
News Summary - Staff donate for PMNRF, DU redirects money to PM-CARES
Next Story