എസ്​.എസ്​.സി അഴിമതി: മോദിക്ക്​ നാണമുണ്ടോയെന്ന്​ രാഹുൽ

ന്യൂഡൽഹി: പ്രധാനമന്ത്രി നരേന്ദ്ര മോദിയെയും ബി.ജെ.പി സർക്കാറിനെയും വിമർശിച്ച്​ കോൺഗ്രസ്​ അധ്യക്ഷൻ രാഹുൽ ഗാന്ധി. സ്​റ്റാഫ്​ സെലക്ഷൻ കമീഷൻ അഴിമതി, വ്യാപം അഴിമതി, തൊഴിലില്ലായ്​മ എന്നിവ ചൂണ്ടിക്കാട്ടിയാണ്​ രാഹുൽ വീണ്ടും കേന്ദ്രസർക്കാറിനെ വിമർശിച്ച്​ രംഗത്തെത്തിയത്​.

രണ്ട്​ കോടി തൊഴിലുകൾ സൃഷ്​ടിക്കുമെന്ന്​ അവകാശപ്പെട്ടാണ്​ അവർ അധികാരത്തിലെത്തിയത്​. ​ഇതിനൊപ്പം കൂടുതൽ ജീവനക്കാ​െര നിയമിക്കുമെന്നും പറഞ്ഞിരുന്നു. എന്നാൽ എസ്​.എസ്​.സിയിലെ വൻ അഴിമതി ഇവരുടെ മൂക്കിന്​ താഴെയാണ്​ നടന്നത്​. ഇതുസംബന്ധിച്ച്​ വിശദീകരണം നൽകാൻ സർക്കാറിന്​ ബാധ്യതയുണ്ടെന്ന്​ രാഹുൽ പറഞ്ഞു.

യുവാക്കളുടെ ഭാവി ഇരുട്ടിലാക്കുന്ന തീരുമാനമാണ്​ കേന്ദ്രസർക്കാറിൽ നിന്ന്​ ഉണ്ടാവുന്നത്​. പണക്കാർക്ക്​ മാത്രമേ ഇപ്പോൾ ജോലി ലഭിക്കുന്നുള്ളു​. യുവാക്കളുടെ ഭാവി വെച്ച്​ കളിക്കുന്നത് കേന്ദ്രസർക്കാർ​ നിർത്തണം. വ്യാപം അഴിമതിയെ ദേശീയവൽക്കരിക്കുകയാണ് സർക്കാർ. നിങ്ങൾക്ക്​ അൽപ്പമെങ്കിലും നാണമുണ്ടോയെന്നും രാഹുൽ ചോദിക്കുന്നു. വ്യാപകമായ ക്രമക്കേടുകളെ തുടർന്ന്​ ​ഫെബ്രുവരി 17ന്​ നടത്തിയ പരീക്ഷ എസ്​.എസ്​.സി റദ്ദാക്കിയിരുന്നു. ഇൗ പരീക്ഷയിൽ നടന്ന ​ക്രമക്കേടിൽ സി.ബി.​െഎ അന്വേഷണം വേണമെന്നാണ്​ ഉദ്യോഗാർഥികളുടെ ആവശ്യം.