തങ്ങളെ ആവശ്യമില്ലെങ്കിൽ കടലിൽ​ തള്ളിയേക്കൂ എന്ന്​​ ശ്രീലങ്കൻ തമിഴ് അഭയാർഥികൾ

ചെ​ന്നൈ: പൗ​ര​ത്വ ഭേ​ദ​ഗ​തി നി​യ​മ​ത്തി​ൽ ശ്രീ​ല​ങ്ക​ൻ ത​മി​ഴ​രെ ഒ​ഴി​വാ​ക്കി​യ​തി​ൽ ത​മി​ഴ്​​നാ​ട്ടി​ലെ അ​ഭ​യാ​ർ​ഥി ക്യാ​മ്പു​ക​ളി​ൽ ദ​ശാ​ബ്​​ദ​ങ്ങ​ളാ​യി ക​ഴി​യു​ന്ന ​കു​ടും​ബ​ങ്ങ​ളി​ൽ ആ​ശ​ങ്ക. ത​മി​ഴ്​​നാ​ട്ടി​ൽ 107 ക്യാ​മ്പു​ക​ളി​ലാ​യി 18,871 കു​ടും​ബ​ങ്ങ​ളു​ണ്ടെ​ന്നാ​ണ്​ ക​ണ​ക്ക്. ക്യാ​മ്പു​ക​ളി​ൽ 60,438 ഉം ​ക്യാ​മ്പു​ക​ൾ​ക്കു​ പു​റ​ത്ത്​ 34,684 ഉം ​പേ​ർ. കൂ​ടാ​തെ, ക​ട​ൽ​മാ​ർ​ഗം അ​ര​ല​ക്ഷ​ത്തോ​ളം പേ​ർ എ​ത്തി​യ​താ​യും ക​രു​തു​ന്നു. 25 വ​ർ​ഷ​ത്തി​ലേ​റെ​യാ​യി ഇ​വി​ടെ താ​മ​സി​ക്കു​ന്ന​വ​രു​ടെ ആ​വ​ശ്യ​മാ​ണ്​ പൗ​ര​ത്വം.

ത​മി​ഴ്​​നാ​ട്​ ഭ​രി​ച്ച ക​രു​ണാ​നി​ധി​യും ജ​യ​ല​ളി​ത​യും ഇ​തി​ന്​​ കേ​ന്ദ്ര​ത്തി​ൽ സ​മ്മ​ർ​ദം ചെ​ലു​ത്തി​യി​രു​ന്നു. 2016ൽ ​ജ​യ​ല​ളി​ത ശ്രീ​ല​ങ്ക​യി​ൽ ത​മി​ഴ​ർ​ക്ക്​ പ്ര​ത്യേ​ക രാ​ജ്യം അ​നു​വ​ദി​ക്ക​ണ​മെ​ന്നും ഇ​ന്ത്യ​യി​െ​ല ശ്രീ​ല​ങ്ക​ൻ ത​മി​ഴ​ർ​ക്ക്​ ഇ​ര​ട്ട പൗ​ര​ത്വം ല​ഭ്യ​മാ​ക്ക​ണ​മെ​ന്നും​ ആ​വ​ശ്യ​പ്പെ​ട്ട്​ കേ​ന്ദ്ര സ​ർ​ക്കാ​റി​ന്​ ക​ത്ത​യ​ച്ചി​രു​ന്നു. എ​ന്നാ​ൽ, ഇ​പ്പോ​ൾ എ​ട​പ്പാ​ടി പ​ള​നി​സാ​മി​യും ഒ. ​പ​ന്നീ​ർ​സെ​ൽ​വ​വും ന​യി​ക്കു​ന്ന അ​ണ്ണാ ഡി.​എം.​കെ പൗ​ര​ത്വ​ബി​ല്ലി​നെ പി​ന്തു​ണ​ച്ച​ത്​ ത​മി​ഴ​ക രാ​ഷ്​​ട്രീ​യ​ത്തി​ൽ വി​വാ​ദ​മാ​ണ്​. ശ്രീ​ല​ങ്ക​ൻ ത​മി​ഴ​ർ​ മ​ക്ക​ളും പേ​ര​ക്കു​ട്ടി​ക​ളു​മാ​യി ഇ​ന്ത്യ​ക്കാ​രാ​യാ​ണ്​ ക​ഴി​യു​ന്ന​ത്.​ പ്ര​ത്യേ​ക റേ​ഷ​ൻ​കാ​ർ​ഡും ഉ​ണ്ട്.

മു​മ്പ്​ ഇ​വ​ർ​ക്ക്​ കേ​ന്ദ്ര സം​സ്​​ഥാ​ന സ​ർ​ക്കാ​റു​ക​ൾ പ​ദ്ധ​തി​ക​ൾ ന​ട​പ്പാ​ക്കി​യെ​ങ്കി​ലും പി​ന്നീ​ട്​​ ഫ​ണ്ടി​ല്ലാ​ത്ത​തി​നാ​ൽ വ​ഴി​മു​ട്ടി. കൂ​ലി​പ്പ​ണി​യും ചെ​റു​കി​ട വ്യാ​പാ​ര​ങ്ങ​ളും മ​റ്റു​മാ​ണ്​ മി​ക്ക കു​ടും​ബ​ങ്ങ​ളു​ടെ​യും ഉ​പ​ജീ​വ​ന​മാ​ർ​ഗം. 1983നു​ശേ​ഷം ശ്രീ​ല​ങ്ക​യി​ൽ യു​ദ്ധം കൊ​ടു​മ്പി​രി​ക്കൊ​ണ്ട സ​മ​യ​ത്താ​ണ്​​ അ​ഭ​യാ​ർ​ഥി പ്ര​വാ​ഹം ഉ​ണ്ടാ​യ​ത്. പി​ന്നീ​ട്​ സ​മാ​ധാ​നം പു​നഃ​സ്​​ഥാ​പി​ച്ചെ​ങ്കി​ലും പ​ത്തു ശ​ത​മാ​നം പേ​ർ പോ​ലും തി​രി​ച്ചു​പോ​യി​ല്ല. ശ്രീ​ല​ങ്ക​ൻ ഭ​ര​ണം രാ​ജ​പ​ക്​​സ​യു​ടെ നി​യ​ന്ത്ര​ണ​ത്തി​ലാ​യ​തോ​ടെ ശേ​ഷി​ച്ച പ്ര​തീ​ക്ഷ​ക​ളും അ​സ്​​ത​മി​ച്ചു.

തി​രി​ച്ചു​പോ​കു​ന്ന​ത്​ ആ​ലോ​ചി​ക്കാ​നാ​വി​ല്ലെ​ന്ന്​ 1983 മു​ത​ൽ കോ​യ​മ്പ​ത്തൂ​ർ മേ​ട്ടു​പ്പാ​ള​യം ക്യാ​മ്പി​ലു​ള്ള എ​സ്. കു​ലി​സം​ഗം എ​ന്ന 57കാ​ര​ൻ പ​റ​ഞ്ഞു. 90ക​ളി​ൽ 750ഒാ​ളം പേ​രാ​ണ്​ മേ​ട്ടു​പ്പാ​ള​യ​ത്തെ​ത്തി​യ​ത്. ഇ​രു​പ​തോ​ളം പേ​ർ​ മ​ട​ങ്ങി. ക്യാ​മ്പു​ക​ളി​ലെ യു​വ​ജ​ന​ങ്ങ​ളെ​ല്ലാം ഇ​വി​ടെ ജ​നി​ച്ചു​വ​ള​ർ​ന്ന​വ​രാ​ണെ​ന്നും ഇ​ന്ത്യ​യാ​ണ്​ മാ​തൃ​രാ​ജ്യ​മെ​ന്നും അ​ദ്ദേ​ഹം പ​റ​യു​ന്നു. പൗ​ര​ത്വ നി​യ​മ പ​രി​ധി​യി​ൽ ഉ​ൾ​പ്പെ​ടു​ത്താ​ത്ത സാ​ഹ​ച​ര്യ​ത്തി​ൽ ത​ങ്ങ​ളെ ക​ട​ലി​ൽ ത​ള്ളി​യി​ടു​ക​യാ​ണ്​ ന​ല്ല​തെ​ന്ന്​ കോ​യ​മ്പ​ത്തൂ​രി​ന​ടു​ത്ത ബു​ളു​വ​ൻ​പ​ട്ടി​യി​െ​ല ക്യാ​മ്പം​ഗ​ങ്ങ​ൾ​ പ്ര​തി​ക​രി​ച്ചു. വ്യാ​ഴാ​ഴ്​​ച വൈ​കീ​ട്ട്​ ചെ​ന്നൈ​യി​ൽ നി​യ​മ​ത്തി​നെ​തി​രെ രാ​ഷ്​​ട്രീ​യ-​ത​മി​ഴ്​ സം​ഘ​ട​ന​ക​ളു​ടെ ആ​ഭി​മു​ഖ്യ​ത്തി​ൽ പ്ര​തി​ഷേ​ധ പ​രി​പാ​ടി സം​ഘ​ടി​പ്പി​ച്ചു.