ദേശീയത വോട്ടാക്കാൻ ശ്രമിക്കുന്നവർക്ക്​ സൈനികനെ നേരിടാൻ ഭയം- അഖിലേഷ്​

ലഖ്​നോ: രാജ്യ സ്​നേഹത്തി​​െൻറപേരിൽ വോട്ട്​ ചോദിക്കുന്നവർക്ക്​ തെരഞ്ഞെടുപ്പിൽ സൈനികനെ നേരിടാൻ ഭയമാണെന്ന്​ സമാജ്​വാദി പാർട്ടി ​അധ്യക്ഷൻ അഖിലേഷ്​ യാദവ്​. പ്രധാനമന്ത്രി നരേന്ദ്രമോദിക്കെതി​െര വാരാണസിയിൽ മത്സര രംഗത്തിറങ്ങിയ തേജ്​ ബഹാദൂർ ധാപ്പയുടെ നാമനിർദേശ പത്രിക തള്ളിയതിനെതിരെ പ്രതികരിക്കുകയായിരുന്നു അദ്ദേഹം.

ജവാൻമാർക്ക്​ നൽകുന്ന ഭക്ഷണത്തിനെതിരെ പരാതി നൽകിയതിനാണ്​ ദേശീയത പറയുന്നവർ തേജ്​ ബഹാദൂർ ധാപ്പയെ ജോലിയിൽ നിന്ന്​ പുറത്താക്കിയത്​. ഇത്തരക്കാരെ എങ്ങനെയാണ്​ രാജ്യസ്​നേഹികൾ എന്ന്​ വിളിക്കാൻ കഴിയുകയെന്നും അഖിലേഷ്​ ചോദിച്ചു.