വിമാനത്തിന്‍റെ ലാൻഡിങ് ഗിയറിൽ കുടുങ്ങി ടെക്നീഷ്യൻ മരിച്ചു

കൊൽക്കത്ത: സ്പൈസ് ജെറ്റ് വിമാനത്തിന്‍റെ ലാൻഡിങ് ഗിയറിൽ കുടുങ്ങി ടെക്നീഷ്യന് ദാരുണാന്ത്യം. സ്പൈസ് ജെറ്റിന്‍റ െ ബോംബാർഡിയർ ക്യു400 വിമാനത്തിന്‍റെ ദിവസേനയുള്ള അറ്റകുറ്റപ്പണിക്കിടെ വാതിൽ അടഞ്ഞ് ജീവനക്കാരൻ കുടുങ്ങുകയായിരുന്നു.

കൊൽക്കത്തയിലെ നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തിൽ ബുധനാഴ്ച പുലർച്ചെയാണ് സംഭവം. വിമാനത്തിന്‍റെ ടയറുകൾ അടക്കമുള്ള ഭാഗമാണ് ലാൻഡിങ് ഗിയർ. അഗ്നിശമന സേന എത്തിയാണ് മൃതദേഹം പുറത്തെടുത്തത്.

സംഭവത്തിൽ പോർട്ട് പൊലീസ് സ്റ്റേഷനിൽ കേസ് രജിസ്റ്റർ ചെയ്തു.