യു.പിയിൽ ആറ്​ കൗമാരക്കാർ ട്രെയിനിടിച്ച്​ മരിച്ചു

ന്യൂഡൽഹി: യു.പിയിലെ ഹാപുരിൽ ട്രെയിനിടിച്ച്​ ആറ്​ കൗമാരക്കാർ മരിച്ചു. ഒരാൾക്ക്​ പരിക്കേറ്റു. ഹാപുരിൽ ഞായറാഴ്​ച രാത്രിയാണ്​ സംഭവമുണ്ടായത്​. ട്രാക്കിലുടെ നടക്കുകയായിരുന്ന ഇവരെ അതിവേഗത്തിലെത്തിയ ട്രെയിൻ ഇടിക്കുകയായിരുന്നു. വിജയ്​, ആകാശ്​, രാഹുൽ, സമീർ, ആരീഫ്​, സലിം എന്നിവരാണ്​ മരിച്ചത്​. ​വിവാഹത്തിൽ പ​െങ്കടുത്ത്​ മടങ്ങു​േമ്പാഴാണ്​ ദുരന്തമുണ്ടായത്​.

14 മുതൽ 16 വയസുവരെയുള്ളവരാണ്​ അപകടത്തിൽ മരിച്ചത്​. മരിച്ച എല്ലാവരും ഒരേ കോളനിയിലെ താമസക്കാരാണ്​. െഎ.സി.യുവിൽ ഗുരതരമായി പരിക്കേറ്റ്​ ചികിൽസയിലുള്ള ആളെ തിരിച്ചറിഞ്ഞിട്ടില്ല. 

സംഭവത്തെ തുടർന്ന്​ സമീപവാസികൾ റെയിൽവേ ട്രാക്ക്​ ഉപരോധിച്ചു. അപകടം നടന്ന സ്ഥലത്തിലുടെയാണ്​ ജനങ്ങൾ ട്രാക്ക്​ മുറിച്ച്​ കടക്കുന്നത്​. എന്നാൽ, ട്രെയിൻ വരു​േമ്പാൾ മുന്നറിയിപ്പ്​ നൽകാനുള്ള സംവിധാനമൊന്നും ഇവിടെ റെയിൽവേ സ്ഥാപിച്ചിട്ടില്ലെന്ന്​ നാട്ടുകാർ ആരോപിക്കുന്നു. പൊലീസെത്തിയാണ്​ റെയിൽവേ ട്രാക്കിൽ നിന്ന്​ ​പ്രക്ഷോഭകരെ മാറ്റിയത്​.