Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപ്രണബ്​ മുഖർജി​...

പ്രണബ്​ മുഖർജി​ ആർ.എസ്​.എസ്​ ആസ്​ഥാനം സന്ദർശിക്കുന്നതിൽ എതിർ​പ്പെന്ന്​ മകൾ ശർമിഷ്​ഠ മുഖർജി

text_fields
bookmark_border
പ്രണബ്​ മുഖർജി​ ആർ.എസ്​.എസ്​ ആസ്​ഥാനം സന്ദർശിക്കുന്നതിൽ എതിർ​പ്പെന്ന്​ മകൾ ശർമിഷ്​ഠ മുഖർജി
cancel

ന്യൂഡൽഹി: താൻ ബി.ജെ.പിയിൽ ചേരുമെന്ന വാർത്തകൾ മുൻ രാഷ്​ട്രപതി പ്രണബ്​ മുഖർജിയുടെ മകളും കോൺഗ്രസ്​ നേതാവുമായ ശർമിഷ്​ഠ മുഖർജി നിഷേധിച്ചു. കോൺഗ്രസിൽ വിശ്വസിക്കുന്നതുകൊണ്ടാണ്​ താൻ രാഷ്​ട്രീയത്തിൽ വന്നത്​​. കോൺഗ്രസ്​ വിടുന്നതിനെക്കാൾ താൻ രാഷ്​ട്രീയ ജീവിതം അവസാനിപ്പിക്കാനാണ്​ ആഗ്രഹിക്കുന്നതെന്നും അവർ ട്വീറ്റ്​ ചെയ്​തു. 

പ്രണബ്​ മുഖർജി വ്യാഴാഴ്​ച നാഗ്​പുരിലെ ആർ.എസ്​.എസ്​ ആസ്​ഥാനം സന്ദർശിക്കുന്നതിലും അവർ എതിർപ്പ്​ അറിയിച്ചു. ബി.ജെ.പിക്കും സംഘ്​പരിവാറിനും വ്യാജ വാർത്തകൾ പ്രചരിപ്പിക്കാനാണ്​ സന്ദർശനം അവസരമൊരുക്കുന്നത്​. അദ്ദേഹത്തി​​​െൻറ പ്രസംഗം മറന്നുപോയേക്കാം. എന്നാൽ, അതി​​​െൻറ ദൃശ്യങ്ങൾ എന്നും നിലനിൽക്കും. ബി.ജെ.പി ഇത്​ ഉപയോഗിച്ച്​ തെറ്റായ വാർത്തകളും ഉൗഹാപോഹങ്ങളും പ്രചരിപ്പിക്കും. ഇത്​ അതി​​​െൻറ തുടക്കമാണ്​​. ഇന്നത്തെ സംഭവത്തോടെ അദ്ദേഹം അത്​ മനസ്സിലാക്കിയിട്ടുണ്ടാകുമെന്നും അവർ ട്വീറ്റ്​ചെയ്​തു.

 2019ൽ ലോക്​സഭയിലേക്ക്​  ബി.ജെ.പി ടിക്കറ്റിൽ ശർമിഷ്​ഠ മത്സരിക്കുമെന്നാണ്​ ചില മാധ്യമങ്ങൾ റിപ്പോർട്ട്​ചെയ്​തത്​.  2014ലാണ്​ ശർമിഷ്​ഠ കോൺഗ്രസിൽ ചേർന്നത്​.  2015ൽ ഇവർ കോൺഗ്രസ്​ സ്​ഥാനാർഥിയായി ഡൽഹി നിയമസഭയിലേക്ക്​ മത്സരിച്ചെങ്കിലും ‘ആപ്​’ നേതാവ്​ സൗരബ്​ ഭരദ്വാജിനോട്​ പരാജയപ്പെടുകയായിരുന്നു.

Show Full Article
TAGS:pranab mukherjee bjp Sharmistha Mukherjee india news malayalam news 
News Summary - Speech Will be Forgotten, Visuals Will Remain: Daughter Cautions Pranab Mukherjee Against BJP's 'Dirty Tricks'-India news
Next Story