മ​ണി​പ്പൂ​ർ ക​ലാ​പം; വി​ചാ​ര​ണ​ക്കാ​യി പ്ര​ത്യേ​ക എ​ൻ.​ഐ.​എ കോ​ട​തി

ന്യൂ​ഡ​ൽ​ഹി: മ​ണി​പ്പൂ​ര്‍ ക​ലാ​പ​വു​മാ​യി ബ​ന്ധ​പ്പെ​ട്ട കേ​സു​ക​ളു​ടെ വി​ചാ​ര​ണ​ക്കാ​യി പ്ര​ത്യേ​ക ദേ​ശീ​യ സു​ര​ക്ഷ ഏ​ജ​ൻ​സി (എ​ൻ.​ഐ.​എ) കോ​ട​തി രൂ​പ​വ​ത്ക​രി​ച്ചു. മ​ണി​പ്പൂ​ര്‍ ചൂ​രാ​ച​ന്ദ്പൂ​രി​ലെ സെ​ഷ​ന്‍സ് കോ​ട​തി എ​ൻ.​ഐ.​എ പ്ര​ത്യേ​ക കോ​ട​തി​യാ​ക്കി മാ​റ്റി കേ​ന്ദ്ര​സ​ർ​ക്കാ​ർ വി​ജ്ഞാ​പ​ന​മി​റ​ക്കി. പ്ര​ത്യേ​ക കോ​ട​തി​യു​ടെ അ​ധി​കാ​ര​പ​രി​ധി മ​ണി​പ്പൂ​രി​ലു​ട​നീ​ളം വ്യാ​പി​ക്കു​മെ​ന്നും ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി.

ജി​രി​ബാ​മി​ൽ ആ​റ് സ്ത്രീ​ക​ളെ​യും കു​ട്ടി​ക​ളെ​യും ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി​യ​ത് ഉ​ൾ​പ്പെ​ടെ മൂ​ന്ന് പ്ര​ധാ​ന കേ​സു​ക​ൾ 2024 ന​വം​ബ​റി​ലാ​ണ് എ​ൻ.​ഐ.​എ ഏ​റ്റെ​ടു​ത്ത​ത്. ഒ​രു കേ​സി​ൽ പ്ര​തി​യാ​യ ഇം​ഫാ​ൽ സ്വ​ദേ​ശി​യാ​യ രാ​ജ്കു​മാ​ർ മൈ​പാ​ക്സ​ന​യെ (21)അ​ടു​ത്തി​ടെ എ​ൻ.​ഐ.​എ ത​ല​ശ്ശേ​രി​യി​ൽ​നി​ന്ന് പി​ടി​കൂ​ടി​യി​രു​ന്നു.

ക​ലാ​പ​വു​മാ​യി ബ​ന്ധ​പ്പെ​ട്ട വി​വി​ധ കേ​സു​ക​ൾ നി​ല​വി​ൽ സു​പ്രീം കോ​ട​തി​യു​ടെ പ​രി​ഗ​ണ​ന​യി​ലു​ണ്ട്. ക​ലാ​പ​ത്തെ കു​റി​ച്ച് അ​ന്വേ​ഷി​ക്കാ​ൻ മൂ​ന്ന് വ​നി​താ ജ​ഡ്ജി​മാ​ർ അ​ട​ങ്ങു​ന്ന സ​മി​തി​ക്ക് സു​പ്രീം​കോ​ട​തി നേ​ര​ത്തെ രൂ​പം ന​ൽ​കി​യി​രു​ന്നു. 2023 മേ​യ് മൂ​ന്നി​ന് ആ​രം​ഭി​ച്ച ക​ലാ​പം ര​ണ്ടു​വ​ർ​ഷം പി​ന്നി​ട്ടി​ട്ടും ഇ​തു​വ​രെ​യും സ​മാ​ധാ​നം പു​നഃ​സ്ഥാ​പി​ക്കാ​നാ​യി​ട്ടി​ല്ല.