Begin typing your search above and press return to search.
exit_to_app
exit_to_app
Akhilesh Yadav
cancel
Homechevron_rightNewschevron_rightIndiachevron_rightയു.പി നിയമസഭ​...

യു.പി നിയമസഭ​ തെരഞ്ഞെടുപ്പ്​; കർഷകരെയും സ്​ത്രീകളെയും ലക്ഷ്യമിട്ട്​ സമാജ്​വാദി പാർട്ടി

text_fields
bookmark_border

ന്യൂഡൽഹി: ഉത്തർപ്രദേശ്​ നിയമസഭ തെരഞ്ഞെടുപ്പിൽ കർഷകരെ ലക്ഷ്യമിട്ട്​ സമാജ്​വാധി പാർട്ടി. തെരഞ്ഞെടുപ്പ്​ പ്രകടന പത്രികയിൽ കർഷകർക്കും സ്​ത്രീകൾക്കുമായി കൂടുതൽ പദ്ധതികൾ ഉൾപ്പെടുത്താനാണ്​ പാർട്ടിയുടെ നീക്കം.

സമാജ്​വാധി പെൻഷൻ യോജന വർധന, സൗജന്യ ലാപ്​ടോപ്പുകൾ -സ്മാർട്ട്​ ഫോണുകൾ, വിദ്യാർഥികൾക്ക്​ സൗജന്യ ഡേറ്റ, സ്​ത്രീകളുടെ പേരിൽ വസ്​തു രജിസ്റ്റർ ചെയ്​താൽ സ്റ്റാമ്പ്​ ഡ്യൂട്ടിയിൽ ഇളവ്​, തൊഴിൽ അവസരം തുടങ്ങിയവ 2022ലെ തെരഞ്ഞെടുപ്പ്​ പ്രകടന പത്രികയിൽ ഉൾപ്പെടു​ം.

കർഷകർക്ക്​ പുറമെ സ്​ത്രീകൾക്കും പ്രകടന പത്രികയിൽ പ്രധാന്യം നൽകും. കൂടാതെ തൊഴിലവസരങ്ങൾ, ആരോഗ്യം, വിദ്യാഭ്യാസം തുടങ്ങിയവയും വീണ്ടും അധികാരത്തിൽ തിരിച്ചെത്താൻ സമാജ്​വാധി പാർട്ടി ഉപയോഗിക്കും.

ഒക്​ടോബർ അവസാനത്തോടെ പ്രകടന പത്രികയുടെ അന്തിമ രൂപം തയാറാക്കാനാണ്​ പാർട്ടി നീക്കം. സൗജന്യ ലാപ്​ടോപ്പിന്​ പുറമെ സ്​മാർട്ട്​​േഫാണുകളും സൗജന്യ ഡേറ്റയും വിതരണം ചെയ്യുന്നതോടെ വിദ്യാർഥികളെയും യുവജനങ്ങളെയും ആകർഷിക്കാൻ കഴിയുമെന്നാണ്​ പാർട്ടിയുടെ കണക്കുകൂട്ടൽ.

'സമാജ്​വാദി പാർട്ടി സർക്കാർ തുടങ്ങിവെച്ച നിരവധി പദ്ധതികൾ ബി.ജെ.പി സർക്കാർ നിർത്തിവെച്ചു. സ്​ത്രീശാക്തീകരണം, കർഷകർക്ക്​ ഉടൻ ആശ്വാസം നൽകുക, തൊഴിലവസരങ്ങൾ സൃഷ്​ടിക്കുക, ആരോഗ്യ മേഖലയിൽ അടിസ്​ഥാന സൗകര്യങ്ങൾ സൃഷ്​ടിക്കുക തുടങ്ങിയവയാണ്​ ഞങ്ങളുടെ ലക്ഷ്യം' -സമാജ്​വാദി വക്താവ്​ ജൂഹി സിങ്​ പറഞ്ഞു.

സംസ്​ഥാനത്ത് വിവാദ കാർഷിക നിയമങ്ങൾ നടപ്പാക്കില്ലെന്ന്​ അഖിലേഷ്​ യാദവ്​ നേരത്തേ തന്നെ വ്യക്തമാക്കിയിരുന്നു. കർഷകർക്ക്​ അടിയന്തര സഹായം ലഭ്യമാക്കുമെന്നും അദ്ദേഹം പറഞ്ഞിരുന്നു.

Show Full Article
TAGS:UP election 2022 Samajwadi Party Akhilesh Yadav 
News Summary - SP May Focus on Farmers, Women in UP Poll Manifesto
Next Story