ബ്രസീൽ, ദക്ഷിണാഫ്രിക്കൻ ​േ​​കാവിഡ്​ വകഭേദം ഇന്ത്യയിലെത്തിയെന്ന്​ കേന്ദ്രം

ന്യൂഡൽഹി: ബ്രസീൽ, ദക്ഷിണാഫ്രിക്കൻ കോവിഡ്​ വകഭേദം ഇന്ത്യയിൽ കണ്ടെത്തിയെന്ന്​ കേന്ദ്രസർക്കാർ. ഇന്ത്യൻ സെന്‍റർ ഫോർ മെഡിക്കൽ റിസേർച്ച്​ ഡയറക്​ടർ ജനറൽ ഡോ.ബൽറാം ഭാർഗവയാണ്​ ഇക്കാര്യം അറിയിച്ചത്​. രോഗം ബാധിച്ചവരെ കണ്ടെത്തി ക്വാറന്‍റീനിലാക്കിയെന്നും അദ്ദേഹം വ്യക്​തമാക്കി.

ഇതുവരെ 187 പേരിൽ​ കോവിഡിന്‍റെ യു.കെ വകഭേദം കണ്ടെത്തിയിട്ടുണ്ട്​. ഇവരിൽ ആരും മരിച്ചിട്ടില്ല. യു.കെ കോവിഡ്​ വകഭേദം കണ്ടെത്തിയവരെ ക്വാറന്‍റീനിലാക്കിയിട്ടുണ്ടെന്നും ആശങ്കപ്പെടേണ്ട സാഹചര്യമില്ലെന്നും അധികൃതർ അറിയിച്ചു.

ദക്ഷിണാഫ്രിക്കൻ, ബ്രസീലിയൻ കോവിഡ്​ വകഭേദങ്ങളിൽ വാക്​സിന്‍റെ ഫലപ്രാപ്​തി പരിശോധിച്ച്​ വരികയാണെന്നും ഐ.സി.എം.ആർ അറിയിച്ചു. ദക്ഷിണാഫ്രിക്കയുടെ കോവിഡ്​ വകഭേദം ഇതുവരെ 44 രാജ്യങ്ങളിൽ കണ്ടെത്തിയിട്ടുണ്ട്​.