Begin typing your search above and press return to search.
exit_to_app
exit_to_app
പ്രമുഖരെ തിരിച്ചുവിളിച്ച്​ കോൺഗ്രസ്​ പാർലമെന്‍ററി സമിതികൾ പുനഃസംഘടിപ്പിച്ച്​ സോണിയ ഗാന്ധി
cancel
Homechevron_rightNewschevron_rightIndiachevron_rightപ്രമുഖരെ...

പ്രമുഖരെ തിരിച്ചുവിളിച്ച്​ കോൺഗ്രസ്​ പാർലമെന്‍ററി സമിതികൾ പുനഃസംഘടിപ്പിച്ച്​ സോണിയ ഗാന്ധി

text_fields
bookmark_border

ന്യൂഡൽഹി: ദേശീയ തലത്തിൽ തിരിച്ചുവരവിന്​ ശ്രമം ശക്​തമാക്കിയ കോൺഗ്രസ്​ മുൻ കേന്ദ്രമന്ത്രിമാരുൾപെടെ പ്രമുഖരെ തിരിച്ചുവിളിച്ച്​ പാർലമെന്‍റിലെ പാർട്ടി നേതൃ സമിതികൾ പുനഃസംഘടിപ്പിച്ചു. പി. ചിദംബരം, മനീഷ്​ തിവാരി, അംബിക സോണി, മുൻ മുഖ്യമന്ത്രി ദിഗ്​വിജയ്​ സിങ്​ തുടങ്ങിയവർക്ക്​ അവസരം നൽകിയാണ്​ പാർലമെന്‍റ്​ വർഷകാല സമ്മേളനം ആരംഭിക്കുന്നതിന്​ തലേന്ന്​ കോൺഗ്രസ്​ അധ്യക്ഷ സോണിയ ഗാന്ധി സമിതികൾ കൂടുതൽ സജീവമാക്കാൻ നടപടി സ്വീകരിച്ചത്​.

ലോക്​സഭയിലെ പാർട്ടി നേതാവായി ബംഗാളിൽനിന്നുള്ള എം.പി അധീർ രഞ്​ജൻ ചൗധരി തുടരും. ചൗധരിയുടെ പകരക്കാരാകുമെന്ന്​ കരുതിയിരുന്ന മനീഷ്​ തിവാരി, ശശി തരൂർ എന്നിവരെ സമിതിയിൽ ഉൾപെടുത്തി. പാർലമെന്‍റ്​ ചേരുന്നതിന്​ മുമ്പും ഇടവേളകളിലും ഈ സമിതികൾ ​േചർന്ന്​ നിർണായക തീരുമാനങ്ങളെടുക്കും. ഗൗരവ്​ ഗൊഗോയ്​ ആണ്​ ഉപനേതാവ്​. കെ. സുരേഷ്​ ചീഫ്​ വിപ്പാകും. വിപ്പുമാരായി രവ്​നീത്​ സിങ്​ ബിട്ടു, മാണിക്കം ടാഗോർ എന്നിവരുമുണ്ടാകും.

മല്ലികാർജുൻ ഖാർഗെ പ്രതി​പക്ഷ നേതാവും ആനന്ദ്​ ശർമ ഉപനേതാവും ജയ്​റാം രമേശ്​ ചീഫ്​ വിപ്പുമായ രാജ്യസഭ സമിതിയിൽ ചിദംബരം, അംബിക സോണി, ദിഗ്​വിജയ്​ സിങ്​ എന്നിവരുമുണ്ടാകും.

തിങ്കളാഴ്ചയാണ്​ പാർലമെന്‍റ്​ വർഷകാല സമ്മേളനം ആരംഭിക്കുന്നത്​. സമ്പദ്​വ്യവസ്​ഥ, വാക്​സിനേഷൻ, തൊഴിൽ നഷ്​ടം, കർഷക നിയമം തുടങ്ങിയ വിഷയങ്ങൾ സജീവമായി രംഗത്തുളളതിനാൽ പാർലമെന്‍റ്​ പ്രക്ഷുബ്​ധമാകും.

വിവിധ പാർട്ടികളുമായി സഹകരിച്ച്​ നയം തീരുമാനിക്കൽ, അംഗങ്ങള​ുടെ എണ്ണം സമാഹരിക്കൽ, ഏതൊക്കെ വിഷയം ഉയർത്തിപ്പിടിക്കണമെന്ന്​ നിർണയിക്കൽ തുടങ്ങിയവയാകും ഇരു സഭകളിലെയും കോൺഗ്രസ്​ നേതൃതല സമിതികളുടെ പ്രധാന ചുമതല.

എല്ലാ പാർട്ടികളുമായും സഹകരിച്ച്​ സമരം ശക്​തമാക്കാൻ കഴിഞ്ഞ ആഴ്ച മല്ലികാർജുൻ ഖാർഗെയെ പ്രത്യേകം തെരഞ്ഞെടുത്തിരുന്നു. ബി.ജെ.പി ഇതര കക്ഷികളുടെ അനൈക്യം വില്ലനാകുന്ന സാഹചര്യത്തിലാണ്​ നീക്കം. മുത്തലാഖ്​, 370ാം വകുപ്പ്​ എടുത്തുകളയൽതുടങ്ങിയ വിഷയങ്ങളിൽ ഭരണകക്ഷിക്ക്​ അനായാസം ബില്ലുകൾ പാസാക്കാൻ ഇതുവഴി സാധ്യമായി.

2024ലെ തെരഞ്ഞെടുപ്പ്​ മുന്നിൽകണ്ട്​ പ്രാദേശിക കക്ഷികൾ കൂടുതൽ ഇടമുറപ്പിക്കാൻ ശ്രമം നടത്തുന്നത്​ കോൺഗ്രസിന്​ തലവേദന സൃഷ്​ടിക്കുന്നതിനിടെയാണ്​ തീരുമാനം എന്നത്​ ശ്രദ്ധേയമാണ്​. നിലവിൽ കോൺഗ്രസ്​ അധ്യക്ഷ സോണിയ, ചിദംബരം എന്നിവർ നേതൃത്വം നൽകുന്ന രണ്ട്​ ഉന്നത തല സമിതികൾ കോൺഗ്രസിനുണ്ട്​. പാർലമെന്‍ററി പ്രവർത്തനം സംബന്ധിച്ച വലിയ വിഷയങ്ങൾ തീരുമാനിക്കാനുള്ളതാണ്​ സോണിയ അധ്യക്ഷയായ സമിതിയെങ്കിൽ സർക്കാർ കൊണ്ടുവരുന്ന ബില്ലുകൾ പഠിക്കാനുള്ളതാണ്​ ചിദംബരത്തിന്‍റെ നേതൃത്വത്തിലുള്ള സമിതി.

Show Full Article
TAGS:Congress’ Parliamentary groups reconstituted Sonia Gandhi 
News Summary - Sonia Gandhi reconstitutes Congress’ Parliamentary hierarchy
Next Story