നെട്ട ഡിസൂസ മഹിള കോൺഗ്രസ്​ ആക്​ടിങ്​ പ്രസിഡന്‍റ്​

ന്യൂഡൽഹി: സുസ്​മിത ദേവ്​ പാർട്ടി വിട്ടതിന്​ പിന്നാലെ നെട്ട ഡിസൂസയെ മഹിള കോൺഗ്രസിന്‍റെ ആക്​ടിങ്​ പ്രസിഡന്‍റായി കോൺഗ്രസ്​ ദേശീയ അധ്യക്ഷ സോണിയ ഗാന്ധി നിയമിച്ചു. മുഴുവൻ സമയ അധ്യക്ഷയെ നിയമിക്കുന്നത്​ വരെ മഹിള കോൺഗ്രസിന്‍റെ ചുമതല ഡിസൂസയെ ഏൽപിച്ച വിവരം കോൺഗ്രസ്​ ജനറൽ സെക്രട്ടറി കെ.സി. വേണുഗോപാലാണ്​ അറിയിച്ചത്​.

അസമിലെ പ്രമുഖ നേതാവും മുൻ എം.പിയുമായിരുന്ന സുസ്​മിത കഴിഞ്ഞ ദിവസം കോൺഗ്രസ്​ വിട്ട്​ തൃണമൂൽ കോൺഗ്രസിൽ ചേർന്നിരുന്നു. സുസ്​മിത ​ദേവ്​ അസമിൽ തൃണമൂലിനെ നയിച്ചേക്കുമെന്നാണ്​ വിവരം. പൗരത്വ പ്രക്ഷോഭ നേതാവും എം.എൽ.എയുമായ അഖിൽ ഗൊഗോയ്​ പാർട്ടി നേതൃ സ്​ഥാനം നിരസിച്ചതോടെയാണ്​ സുസ്​​മിതക്ക്​​ അവസരം ലഭിക്കുകയെന്നാണ്​ വിവരം.

തിങ്കളാഴ്​ച രാവിലെയാണ്​ സുസ്​​മിത ദേവ്​ കോൺഗ്രസ്​ വിട്ടത്​. രാജിക്കത്ത്​ പാർട്ടി അധ്യക്ഷ സോണിയ ഗാന്ധിക്ക്​ കൈമാറുകയും ചെയ്​തു. വൈകി​ട്ടോടെ താൻ തൃണമൂൽ കോൺഗ്രസിൽ ചേരുന്നതായി പ്രഖ്യാപിക്കുകയായിരുന്നു. അ​സ​മി​ൽ കോ​ൺ​ഗ്ര​സി​െൻറ മു​ഖ​ങ്ങ​ളി​ലൊ​ന്നാ​യ സു​സ്​​മി​ത ദേ​വ്​ പാ​ർ​ട്ടി അ​ധ്യ​ക്ഷ സോ​ണി​യ ഗാ​ന്ധി​ക്ക്​ രാ​ജി​ക്ക​ത്ത്​ എ​ഴു​തി​യ​തി​നു തൊ​ട്ടു​പി​ന്നാ​ലെ​യാ​ണ്​ കൊ​ൽ​ക്ക​ത്ത​യി​ലെ​ത്തി തൃ​ണ​മൂ​ൽ കോ​ൺ​ഗ്ര​സി​ൽ ചേ​ർ​ന്ന​ത്. രാ​ജി​ക്ക്​ കാ​ര​ണ​മൊ​ന്നും ക​ത്തി​ൽ പ​റ​ഞ്ഞി​ട്ടി​ല്ല.

നേരത്തേ രജ്​ദോർ ദൾ സ്​ഥാപകൻ ഗൊഗോയ്​യും തൃണമൂൽ കോൺഗ്രസ്​ അധ്യക്ഷ മമത ബാനർജിയു​മായി കൂടിക്കാഴ്​ച നടത്തിയിരുന്നു. അസമിൽ പാർട്ടിയെ നയിക്കാൻ ക്ഷണിക്കുകയും ചെയ്​തു. എന്നാൽ മമതയുടെ ക്ഷണം ഗെ​ാഗോയ്​ നിരസിക്കുകയായിരുന്നു.

48കാ​രി​യാ​യ സു​സ്​​മി​ത പ്ര​മു​ഖ കോ​ൺ​ഗ്ര​സ്​ നേ​താ​വ്​ സ​​ന്തോ​ഷ്​ മോ​ഹ​ൻ ദേ​വി​െൻറ മ​ക​ളാ​ണ്. അ​സ​മി​ൽ​നി​ന്ന്​ അ​ഞ്ചു​വ​ട്ട​വും ത്രി​പു​ര​യി​ൽ​നി​ന്ന്​ ര​ണ്ടു ത​വ​ണ​യും ലോ​ക്​​സ​ഭാം​ഗ​മാ​യി​രു​ന്നു സ​ന്തോ​ഷ്​ മോ​ഹ​ൻ​ദേ​വ്.

രാ​ജി​ക്ക​ത്തി​ൽ കാ​ര​ണ​മൊ​ന്നും പ​റ​ഞ്ഞി​ട്ടി​ല്ലെ​ങ്കി​ലും അ​സം നി​യ​മ​സ​ഭ തെ​ര​ഞ്ഞെ​ടു​പ്പു മു​ത​ൽ സു​സ്​​മി​ത കോ​ൺ​ഗ്ര​സ്​ നേ​തൃ​ത്വ​വു​മാ​യി ചേ​ർ​ച്ച​യി​ലാ​യി​രു​ന്നി​ല്ല. അ​സ​മി​ൽ എ.​ഐ.​യു.​ഡി.​എ​ഫു​മാ​യി കോ​ൺ​ഗ്ര​സ്​ സ​ഖ്യ​മു​ണ്ടാ​ക്കി​യ​താ​ണ്​ പ്ര​ധാ​ന കാ​ര​ണം. സീ​റ്റ്​ ച​ർ​ച്ച​ക​ൾ ബ​ഹി​ഷ്​​ക​രി​ക്കു​ക​യും ചെ​യ്​​തി​രു​ന്നു.