You are here

അ​മേത്തിയിൽ രാഹുലിനെതിരെ കോൺഗ്രസ്​ നേതാവി​ൻെറ മകൻ

11:46 AM
26/03/2019
ഹാരൂൺ റഷീദി​െൻറ പിതാവ് ഹാജി സുൽത്താൻ രാഹുൽ ഗാന്ധിക്കൊപ്പം

അമേത്തി: കോൺഗ്രസ്​ അധ്യക്ഷൻ രാഹുൽ ഗാന്ധിക്കെതിരെ അമേത്തിയിൽ മത്സരിക്കുന്നത്​ പാർട്ടി നേതാവ്​ ഹാജി സുൽത്താൻ ഖാ​​ൻെറ മകൻ ഹാജി ഹാരൂൺ റഷീദ്​. 1991ൽ രാജീവ് ഗാന്ധിയേയും 1998ൽ സോണിയ ഗാന്ധിയേയും പിന്തുണച്ച് നാമനിർദേശ പത്രികയിൽ ഒപ്പു വെച്ച പ്രാദേശിക കോൺഗ്രസ് നേതാവാണ്​ ഹാജി സുൽത്താൻ. എന്നാൽ അമേത്തിയിൽ പ്രദേശിക നേതാക്കളെയും മുസ്​ലിം സമുദായത്തെയും അവഗണിക്കുന്നതിനെതിരെയാണ്​ ഹാരുൺ റഷീദ്​ രാഹുലിനെതിരെ സ്ഥാനാർഥിത്വം പ്രഖ്യാപിച്ചത്​. 

‘കോൺഗ്രസ് ഞങ്ങളെ അകറ്റി നിർത്തുകയും അവഗണിക്കുകയും ചെയ്യുന്നു. പ്രദേശത്തി​​​​െൻറ വികസനത്തിനു വേണ്ടിയോ മുസ്​ലിം സമുദായത്തിനു വേണ്ടിയോ കോൺഗ്രസ് ചെറുവിരൽ അനക്കുന്നില്ല. മണ്ഡലത്തിൽ 6.5 ലക്ഷം മുസ്‍ലിം വോട്ടർമാരാണുള്ളത്​. അവരെല്ലാം ഇത്തവണ കോൺഗ്രസിനെതിരെ വോട്ട്​ ചെയ്യു’മെന്നും ഹാരുൺ റഷീദ്​ പ്രതികരിച്ചു. പിതാവ് ഹാജി സുൽത്താൻ ഖാൻ രാജീവ് ഗാന്ധിക്കും സോണിയ ഗാന്ധിക്കുമൊപ്പം നിൽക്കുന്ന ചിത്രങ്ങൾ പ്രദർശിപ്പിച്ചു കൊണ്ടാണ് ഹാരൂൺ സ്ഥാനാർഥി പ്രഖ്യാപനം നടത്തിയത്​.

രണ്ടാം തവണയും ബി.ജെ.പി സ്ഥാനാർഥിയായി കേന്ദ്ര മന്ത്രി സ്മൃതി ഇറാനിയാണ്​ രാഹുലിനെ നേരിടുക. എന്നാൽ മുസ്​ലിം സമുദായത്തെ പ്രതിനിധീകരിച്ച്​ ഹാരൂൺ റഷീദ്​ വിമതനായി മത്സരിക്കാൻ തീരുമാനിച്ചത്​ കോൺഗ്രസിന്​ വെല്ലുവിളിയാണ്​.
 

Loading...
COMMENTS