Begin typing your search above and press return to search.
proflie-avatar
Login
exit_to_app
exit_to_app
സോളി സൊറാബ്​ജി: സംഗീതത്തെ പ്രണയിച്ച അഭിഭാഷക ശ്രേഷ്​ഠൻ, ഗ്രന്ഥകാരൻ
cancel
Homechevron_rightNewschevron_rightIndiachevron_rightസോളി സൊറാബ്​ജി:...

സോളി സൊറാബ്​ജി: സംഗീതത്തെ പ്രണയിച്ച അഭിഭാഷക ശ്രേഷ്​ഠൻ, ഗ്രന്ഥകാരൻ

text_fields
bookmark_border

ന്യൂഡൽഹി: അഭിഭാഷകനായി നീണ്ട ഏഴു പതിറ്റാണ്ടി​െൻറ കരുത്തും കുശലതയുമായി ലോകം ജയിച്ച പദ്​മ വിഭൂഷൺ സോളി സൊറാബ്​ജി അരങ്ങൊഴിയു​േമ്പാൾ അവശേഷിക്കുന്നത്​ സമാനതകളില്ലാത്ത ശൂന്യത. നിയമ വിശാരദനായി 1950കളുടെ ആദ്യത്തിൽ ബോംബെ ഹൈക്കോടതിയിൽ വാദം ജയിച്ചുതുടങ്ങിയ സൊറാബ്​ജി അതിവേഗമാണ്​ രാജ്യത്തി​െൻറ നിയമ മുഖ്യധാരയിലേക്കും തുടർന്ന്​ അന്താരാഷ്​ട്ര സമിതികളിലേക്കും എത്തുന്നത്​. ഹൈക്കോടതി സേവനം രണ്ടു പതിറ്റാണ്ട്​ തികയുംമു​െമ്പ 1971ൽ സുപ്രീം കോടതി സീനിയർ കൗൺസലായി. കേന്ദ്ര സർക്കാറി​െൻറ മുഖ്യ നിയമ ഉപദേഷ്​ടാവായ ​അറ്റോണി ജനറൽ പദവിയിൽ രണ്ടുവട്ടമെത്തി. മനുഷ്യാവകാശ പ്രശ്​നങ്ങളിൽ എടുത്ത ധീരമായ നിലപാടുകൾക്ക്​ 2002ൽ പദ്​മ വിഭൂഷൺ നൽകി രാജ്യം ആദരിച്ചു.

ഭരണഘടനയുടെ മൂല്യം ഉയർത്തിപ്പിടിച്ച കേശവാനന്ദ ഭാരതി കേസിൽ പ്രമുഖരായ നാനി പാൽഖിവാല, ഫാലി എസ്​. നരിമാൻ എന്നിവർക്കൊപ്പം അണിനിരന്ന​ു. സംസ്​ഥാന സർക്കാറിനെ ​പിരിച്ചുവിടൽ പ്രസിഡൻറി​െൻറ പരമാധികാരമല്ലെന്നും​ ജുഡീഷ്യൽ റിവ്യു അർഹിക്കുന്ന കേസാണെന്നും​ വിധിച്ച എസ്​.ആർ ബൊമ്മെ കേസിൽ പരാതിക്കാരനു വേണ്ടി ഹാജരായതും സൊറാബ്​ജി തന്നെ. രാജ്യം ശ്രദ്ധിച്ച പ്രകാശ്​ സിങ്​ കേസിൽ സൊറാബ്​ജിയുടെ വാദമുഖങ്ങൾ കേട്ട പരമോന്നത കോടതി 1977ൽ ദേശീയ പൊലീസ്​ കമീഷൻ സ്​ഥാപിക്കാൻ നിർദേശം നൽകി. അതുവഴി സുപ്രധാനമായ പൊലീസ്​ പരിഷ്​കാരങ്ങളും നടപ്പായി.

1984ലെ സിഖ്​ കലാപത്തിൽ ഇരകൾക്കുവേണ്ടി സ്വയം കോടതിയിലെത്തി. മനേക ഗാന്ധി കേസിൽ വ്യക്​തി സ്വാതന്ത്ര്യത്തി​െൻറ പരിധി ഉയർത്തിയ സുപ്രീംകോടതി വിധിയിലേക്കു നയിച്ച വാദങ്ങളും രാജ്യം ആകാംക്ഷയോടെ ശ്രദ്ധിച്ചു. അതിനിടെ, യു.എൻ ഉപസമിതികളിൽ പലതിലും നിർണായക ചുമതലകൾ വഹിച്ചു.

ഔദ്യോഗിക പദവികൾ പലതു ചുമലിലേറുകയും നിയമത്തി​െൻറ വഴിയെ വിട്ടുവീഴ്​ചയില്ലാതെ സഞ്ചരിക്കുകയും ചെയ്​തപ്പോഴും ത​െൻറ ഒന്നാം ഇഷ്​ടം ജാസ്​ സംഗീതമാണെന്ന്​ സൊറാബ്​ജി പറഞ്ഞു.

ഇവക്കൊപ്പം രാജ്യമാദരിച്ച നിയമ ഗ്രന്ഥകാരൻ കൂടിയായി സൊറാബ്​ജി ആദരിക്കപ്പെട്ടു. 'നാനി പാൽഖിവാല: ​ദി കോർട്​റൂം ജീനിയസ്​' ഇപ്പോഴും ഏ​െറ വിറ്റുപോകുന്ന കൃതിയാണ്​. 'എമർജൻസി, സെൻസർഷിപ്​ ആൻറ ദ പ്രസ്​', ആത്​മകഥയായ 'ഡൗൺ മെമ്മറി ലെയ്​ൻ', ലോ ആൻറ്​ ജസ്​റ്റീസ്​, വേൾഡ്​ ഓഫ്​ ഹ്യൂമൻ റൈറ്റ്​സ്​ തുടങ്ങി വേറെയും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Soli SorabjeeLawyer
News Summary - Soli Sorabjee: An exceptional lawyer and a Jazz aficionado
Next Story