Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightസൊഹ്​റാബുദ്ദീൻ വ്യാജ...

സൊഹ്​റാബുദ്ദീൻ വ്യാജ ഏറ്റുമുട്ടൽ​; വിധി ഡിസംബർ 21ന്​

text_fields
bookmark_border
സൊഹ്​റാബുദ്ദീൻ വ്യാജ ഏറ്റുമുട്ടൽ​; വിധി ഡിസംബർ 21ന്​
cancel

മുംബൈ: സൊഹ്​റാബുദ്ദീൻ ശൈഖ്​, തുൾസിറാം പ്രജാപതി വ്യാജ ഏറ്റുമുട്ടൽ കൊലക്കേസിൽ കോടതിയിൽ അടിയറവു പറഞ്ഞ്​ പ്ര ോസിക്യൂഷൻ. പ്രതികൾക്കെതിരെ കുറ്റം തെളിയിക്കാൻ തക്ക തെളിവുകൾ കണ്ടെത്താൻ കഴിഞ്ഞിട്ടില്ലെന്ന്​ പ്രത്യേക പബ്ല ിക്​​ പ്രോസിക്യൂട്ടർ ബി.പി. രാജു വിചാരണയുടെ അവസാന ദിവസം സി.ബി.െഎ കോടതിയിൽ പറഞ്ഞു. ഇൗ മാസം 21ന്​ വിധി പ്രഖ്യാപനമു ണ്ടായേക്കും.

കേസന്വേഷണത്തിലും വിചാരണയിലുമുണ്ടായ കാലതാമസവും അന്വേഷണ ഉദ്യോഗസ്​ഥരുടെ പിഴവുമാണ്​ തെളിവു ശേഖരിക്കുന്നതിലെ വീഴ്​ചക്ക്​ കാരണമായി പ്രോസിക്യൂട്ടർ ചൂണ്ടിക്കാട്ടിയത്​​. സൊഹ്​റാബുദ്ദീൻ 2005ലും പ്രജാപതി 2006ലുമാണ്​ കൊല്ലപ്പെട്ടത്​. ഗുജറാത്ത്​ സി.െഎ.ഡി കേസ്​ അന്വേഷണം തുടങ്ങുന്നത്​ 2007ലാണ്​. 2010ലാണ്​ സി.ബി.െഎ കേസ്​ ഏറ്റെടുക്കുന്നത്​. സി.െഎ.ഡി കണ്ടെത്തിയ തെളിവുകളാണ്​ തങ്ങൾക്കു​ മുന്നിലുള്ളതെന്നും രാജു കോടതിയിൽ പറഞ്ഞു. കാലതാമസം കാരണം സാക്ഷികളിൽ ഒാർമപ്രശ്​നമുണ്ടായതായും മുഖ്യസാക്ഷികൾ കൂറുമാറിയതായും അദ്ദേഹം കൂട്ടിച്ചേർത്തു.

എന്നാൽ, സാക്ഷികൾ കൂറുമാറിയാൽ കേസില്ലാതാകില്ലെന്നു പറഞ്ഞ്​ ഇടപെട്ട ജഡ്​ജി എസ്​.ജെ. ശർമ അന്വേഷണ ഉദ്യോഗസ്​ഥരെ പഴിചാരുന്നത്​ തടഞ്ഞു. ഉദ്യോഗ്യസ്​ഥർ ആത്മാർഥമായി ശ്രമിച്ചിട്ടുണ്ടെന്നും കണ്ടെത്തിയ തെളിവുകൾ പര്യാപ്​തമാണെന്നും പറഞ്ഞ അദ്ദേഹം, തങ്ങൾ ശേഖരിച്ച മൊഴി സാക്ഷികൾ കോടതിയിൽ മാറ്റിപ്പറഞ്ഞതിന്​ അന്വേഷണ ഉദ്യോഗസ്​ഥരെ കുറ്റംപറയാനാകില്ലെന്നും വ്യക്​തമാക്കി.

തുടക്കത്തിൽ ബി.ജെ.പി ദേശീയാധ്യക്ഷൻ അമിത്​ ഷായും രാജസ്​ഥാൻ ആഭ്യന്തര മന്ത്രി ഗുലാബ്​ ചന്ദ്​ കടാരിയയും ഗുജറാത്ത്​, ആന്ധ്ര, രാജസ്​ഥാൻ സംസ്​ഥാനങ്ങളിൽ നിന്നുള്ള െഎ.പി.എസുകാരും ഉൾ​പ്പെടെ 38 പ്രതികളാണുണ്ടായിരുന്നത്​. 2014ന്​ ശേഷം മൂന്നു​ വർഷത്തിനിടെ അമിത്​ ഷാ, കടാരിയ, െഎ.പി.എസ്​ ഉദ്യേഗസ്​ഥർ ഉൾപ്പെടെ 16 പേരെ സി.ബി.െഎ കോടതി കേസിൽനിന്ന്​ ഒഴിവാക്കി. നിലവിൽ ഇൻസ്​പെക്​ടർ, എസ്​.െഎ, കോൺസ്​റ്റബ്​ൾ റാങ്കുകളിലുള്ള 21 പൊലീസുകാരും സൊഹ്​റാബുദ്ദീ‍​​െൻറ ഭാര്യ കൗസർബിയെ കൊന്ന്​ മൃതദേഹം നശിപ്പിച്ചതായി ആരോപിക്കുന്ന ഫാംഹൗസ്​ ഉടമയുമാണ്​ പ്രതികൾ.

16 പേരെ കേസിൽനിന്ന്​ ഒഴിവാക്കിയതിന്​​ എതിരെ അപ്പീൽ നൽകാൻ സി.ബി.െഎ കൂട്ടാക്കിയിരുന്നില്ല. ശേഷിച്ചവരുടെ വിചാരണക്കിടയിലും പ്രോസിക്യൂഷ​​​െൻറ ഉത്സാഹക്കുറവ്​ പ്രകടമായിരുന്നു. 400ലേറെ സാക്ഷികളെ വിസ്​തരിക്കാതെയാണ്​ വാദം പൂർത്തിയാക്കിയതായി കോടതിയെ അറിയിച്ചത്​. വിസ്​തരിച്ച 210 സാക്ഷികളിൽ 92 പേർ കൂറുമാറുകയും ചെയ്​തു. അമിത്​ ഷാ, കടാരിയ, െഎ.പി.എസുകാർ എന്നിവരെ ഒഴിവാക്കിയെങ്കിലും അവർക്കെതിരെ ഗുരുതര ആരോപണങ്ങളാണ്​ കേസന്വേഷിച്ച സി.ബി.െഎ ഉദ്യോഗസ്​ഥർ കോടതിയിൽ ഉന്നയിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cbi courtmalayalam newsSohrabuddinfake encounter case
News Summary - Sohrabuddin Fake Encounter Case-India news
Next Story