സൊഹ്​റാബുദ്ദീൻ കേസ്​: മൂന്ന്​ െഎ.പി.എസുകാർക്ക്​ ബോംെബ ഹൈകോടതി നോട്ടീസ്​

മുംബൈ: സൊഹ്​റാബുദ്ദീൻ ശൈഖ്​, തുൾസിറാം പ്രജാപതി വ്യാജ ഏറ്റുമുട്ടൽ കൊലക്കേസുകളിലെ വിചാരണയിൽനിന്ന്​ ഒഴിവാക്കിയത്​ ചോദ്യംചെയ്​തുള്ള ഹരജിയിൽ ഉന്നത പൊലീസ്​ ഉദ്യോഗസ്​ഥരായ ഡി.ജി. വൻസാര, രാജ്​കുമാർ പാണ്ഡ്യൻ, എം.എൻ. ദിനേഷ്​ എന്നിവർക്ക്​ ബോംെബ ഹൈകോടതി നോട്ടീസ്​.

2006 ആഗസ്​റ്റിനും കഴിഞ്ഞ ആഗസ്​റ്റിനും ഇടയിൽ ബി.ജെ.പി ദേശീയാധ്യക്ഷൻ അമിത്​ ഷായെയും 14 പൊലീസ്​ ഉദ്യോഗസ്​ഥരെയും വിചാരണയിൽനിന്ന്​ പ്രത്യേക സി.ബി.െഎ കോടതി ഒഴിവാക്കിയിരുന്നു. ഇത്​ ചോദ്യം ചെയ്​ത്​ സൊഹ്​റാബുദ്ദീ‍​െൻറ സഹോദരൻ റുബാബുദ്ദീൻ നൽകിയ ഹരജിയിലാണ്​ ജസ്​റ്റിസ്​ ബദർ മൂവർക്കും നോട്ടീസ്​ അയച്ചത്​. എന്നാൽ, ഹരജിയിൽ വിധിയാകും വരെ കേസിൽ ശേഷിച്ച 23 പേരുടെ വിചാരണ സി.ബി.െഎ കോടതി നിർത്തിവെക്കണമെന്ന റുബാബുദ്ദീ‍​െൻറ അപേക്ഷ ഹൈകോടതി തള്ളി. വിചാരണക്ക്​ സ്​റ്റേ നൽകുന്നതിന്​ പകരം െഎ.പി.എസ്​ ഉദ്യോഗസ്​ഥർക്ക്​ എതിരെയുള്ള ഹരജിയിൽ പെട്ടെന്ന്​ തീർപ്പുകൽപിപ്പിക്കാമെന്ന്​ കോടതി പറഞ്ഞു.  

15 പേരെ കേസിൽനിന്ന്​ ഒഴിവാക്കിയത്​ ചോദ്യം ചെയ്​ത്​ നേരത്തെ റുബാബുദ്ദീൻ ഹൈകോടതിയെ സമീപിച്ചെങ്കിലും സമ്മർദത്തെ തടർന്ന്​ പിന്മാറിയിരുന്നു. അന്ന്​ ജസ്​റ്റിസ്​ രേവതി മോഹിതെ ദെരെ ആയിരുന്നു വാദം കേട്ടത്​. പ്രത്യേക കോടതി നടപടിയെ ചോദ്യംചെയ്യാതിരുന്ന സി.ബി.െഎയെ ഹൈകോടതി വിമർശിക്കുകയാണ്​ ചെയ്​തത്​. കേസിൽ ശേഷിച്ച പ്രതികൾക്ക്​ എതിരെ കുറ്റംചുമത്തുന്നത്​ നിർത്തിവെക്കാൻ സി.ബി.െഎ ആവശ്യപ്പെടാതിരുന്നതും കോടതി വിമർശിക്കുകയുണ്ടായി. വിചാരണ കോടതിക്ക്​ എതിരെ ഹൈകോടതിയിൽ ഹരജി നൽകുമൊ എന്ന ഹൈകോടതിയുടെ ചോദ്യത്തിന്​ ഇന്നുവരെ സി.ബി.െഎ മറുപടി നൽകിയിട്ടുമില്ല. െഎ.പി.എസ്​ ഉദ്യോഗസ്​ഥർക്ക്​ എതിരെ മുൻകൂർ അനുമതി നേടിയില്ലെന്ന്​ പറഞ്ഞാണ്​ സി.ബി.െഎ കോടതി അവരെ ഒഴിവാക്കിയത്​.