കോവിഡ്​ ഭീതിക്കിടെ 500 പേർക്ക്​ വിരുന്നുമായി തെലങ്കാന മുഖ്യമന്ത്രിയുടെ മകൾ

ഹൈദരാബാദ്​: കോവിഡ്​ 19 വൈറസ്​ ബാധ രാജ്യത്ത്​ പടർന്നു പിടിക്കുന്നതിനിടെ 500ഓളം പേർക്ക്​ വിരുന്നുമായി തെലങ്കാന മുഖ്യമന്ത്രി കെ.ചന്ദ്രശേഖർ റാവുവി​​െൻറ മകൾ കവിത. ഹൈദരാബാദിലെ റിസോർട്ടിലായിരുന്നു വിരുന്ന്​.

ടി.ആർ.എസി​​െൻറ ജില്ലാ പരിഷത്​, മണ്ഡൽ പരിഷത്​, മുൻസിപ്പാലിറ്റി എന്നിവടങ്ങളിലെ ജനപ്രതിനിധികളേയും അവരുടെ കുടുംബങ്ങളേയുമാണ്​ വിരുന്നിന്​ ക്ഷണിച്ചത്​. ഇതി​​െൻറ വീഡിയോയും സാമൂഹിക മാധ്യമങ്ങളിലൂടെ ​പ്രചരിക്കുന്നുണ്ട്​.

എല്ലാവരും സെൽഫ്​ ക്വാറ​​ൈൻറനിൽ കഴിയണമെന്ന്​ മുഖ്യമന്ത്രി ചന്ദ്രശേഖർ റാവു ആവശ്യപ്പെടു​േമ്പാഴാണ്​ മകളുടെ അത്താഴ വിരുന്ന്​. കവിതയുടെ നടപടിക്കെതിരെ ബി.ജെ.പി ഉൾപ്പടെയുള്ള പ്രതിപക്ഷ പാർട്ടികൾ രംഗത്തെത്തി. വിരുന്നി​​െൻറ വീഡിയോ ഷെയർ ചെയ്​തായിരുന്നു ബി.ജെ.പിയുടെ ആരോപണം.