Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅണ്ണാ ഹസാരെ കാർഷിക...

അണ്ണാ ഹസാരെ കാർഷിക നിയമങ്ങൾക്കെതിരെ പ്രഖ്യാപിച്ച സമരം പിൻവലിച്ചു; ബി.ജെ.പിയുമായുള്ള ചർച്ചയെ തുടർന്നെന്ന്​ ആരോപണം

text_fields
bookmark_border
അണ്ണാ ഹസാരെ കാർഷിക നിയമങ്ങൾക്കെതിരെ പ്രഖ്യാപിച്ച സമരം പിൻവലിച്ചു; ബി.ജെ.പിയുമായുള്ള ചർച്ചയെ തുടർന്നെന്ന്​ ആരോപണം
cancel

ന്യൂഡൽഹി: കർഷകർക്ക്​ പിന്തുണയുമായി കേന്ദ്ര സർക്കാറിനെതിരെ പ്രഖ്യാപിച്ച നിരാഹാര സമരം സാമൂഹിക പ്രവർത്തകൻ അണ്ണാ ഹസാരെ പിൻവിലിച്ചു. ജനുവരി 30 മുതൽ അനിശ്ചിതകാല സമരം ആരംഭിക്കുമെന്ന്​ ഇന്ന്​ ഹസാരെ പ്രഖ്യാപിച്ചിരുന്നു. ബി.ജെ.പി നേതാക്കളുടെ ഇടപെടലിനെത്തുടർന്നാണ്​ പിന്മാ​റ്റമെന്ന്​ ആരോപണമുയരുന്നുണ്ട്​. കേന്ദ്രം തന്‍റെ ആവശ്യങ്ങൾ അംഗീകരിച്ചതിനെത്തുടർന്നാണ്​ പിന്മാറ്റമെന്ന്​ ഹസാരെ അവകാശപ്പെട്ടതായി പി.ടി.ഐ റിപ്പോർട്ടുചെയ്​തു.

കർഷകർക്ക്​ വേണ്ടിയുള്ള തന്‍റെ നിർദേശങ്ങൾ കേന്ദ്രം തള്ളിയതിനെ തുടർന്നാണ്​ നിരാഹാര സമരത്തിനിറങ്ങുന്നതെന്ന്​ ഹസാരെ ഇന്ന്​ രാവിലെ പ്രതികരിച്ചിരുന്നു. കഴിഞ്ഞ നാലുവർഷമായി കർഷകരുടെ ആവശ്യങ്ങൾ അംഗീകരിക്കുന്നതിനായി പ്രവർത്തിക്കുകയാണെന്നും മൂന്നുമാസത്തിനുള്ളിൽ പ്രധാനമ​ന്ത്രിക്കും കേന്ദ്ര കൃഷിമന്ത്രിക്കും അഞ്ചുതവണ കർഷകർക്കായി കത്തെഴുതിയെന്നും അദ്ദേഹം കൂട്ടിച്ചേർത്തിരുന്നു.

സ്വാമിനാഥൻ കമ്മീഷൻ ശിപാർശകൾ നടപ്പാക്കണമെന്ന ആവശ്യവും അണ്ണാ ഹസാരെ ഉന്നയിച്ചിരുന്നു.അക്രമരഹിതമായ പ്രതിഷേധമാണ്​ ആവ​ശ്യമെന്ന്​ കൂട്ടിച്ചേർത്ത ഹസാരെ റിപ്പബ്ലിക്​ ദിനത്തിലെ ട്രാക്​ടർ റാലിക്കിടെയുണ്ടായ അക്രമ സംഭവങ്ങൾ ദൗർഭാഗ്യകരമാണെന്നും പറഞ്ഞിരുന്നു.

Show Full Article
TAGS:Anna Hazare Farmers protest 
News Summary - Social Activist Anna Hazare Cancels Fast, Backs Farm Reforms
Next Story