Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightരാഷ്ട്രപതി നിലയത്തില്‍...

രാഷ്ട്രപതി നിലയത്തില്‍ നുഴഞ്ഞു കയറിയ പാമ്പിനെ പിടികൂടി

text_fields
bookmark_border
രാഷ്ട്രപതി നിലയത്തില്‍ നുഴഞ്ഞു കയറിയ പാമ്പിനെ പിടികൂടി
cancel

ഹൈദരാബാദ്: തെലങ്കാനയില്‍ രാഷ്ട്രപതിയുടെ ഒൗദ്യോഗിക വിശ്രമ മന്ദിരമായ രാഷ്ട്രപതി നിലയത്തില്‍ നുഴഞ്ഞുകയറാന്‍ ശ്രമിച്ച മൂര്‍ഖന്‍ പാമ്പ് പരിഭ്രാന്തി പടര്‍ത്തി. പാമ്പിനെ വിദഗ്ധസംഘം പിടികൂടി. രാഷ്ട്രപതി പ്രണബ് മുഖര്‍ജി ഈ മാസം 22 മുതല്‍ 31 വരെ വിശ്രമത്തിനായി രാഷ്ട്രപതി നിലയത്തിലുണ്ടാകും. ഇതിനു മുന്നോടിയായി ഈമാസം അഞ്ചു മുതല്‍ വിഷപ്പാമ്പുകളെ തുരത്താനായി വിപുല തിരച്ചില്‍ ആരംഭിച്ചിട്ടുണ്ട്.

സെക്കന്തരാബാദിലെ ബൊല്ലാറമിലാണ് രാഷ്ട്രപതി നിലയം. ചുറ്റും പച്ചപ്പ് നിറഞ്ഞ 90 ഏക്കറിലാണ് മന്ദിരം സ്ഥിതി ചെയ്യുന്നത്. നിറയെ പാമ്പുകളുള്ള ഇവിടെ അധികൃതര്‍ ഇടക്കിടെ പാമ്പുകളെ തുരത്താന്‍ തിരച്ചില്‍ നടത്താറുണ്ട്. പിടികൂടുന്ന പാമ്പുകളെ വനത്തില്‍ വിടും. പിടികൂടിയ അപൂര്‍വ ഇനത്തില്‍പെട്ട പാമ്പുകളെ നെഹ്റു സുവോളജിക്കല്‍ പാര്‍ക്കിന് കൈമാറുകയാണ് പതിവ്.

മൂര്‍ഖന്‍, അണലി, വെള്ളിക്കെട്ടന്‍ എന്നീ പാമ്പുകളടക്കം 65 വിഷപ്പാമ്പുകളെ കഴിഞ്ഞ അഞ്ചു വര്‍ഷത്തിനുള്ളില്‍ ഇവിടെനിന്ന് പിടികൂടിയതായി സുവോളജിക്കല്‍ പാര്‍ക്ക് മേല്‍നോട്ടക്കാരനായ എം. ലക്ഷമണ്‍ പറഞ്ഞു. നേരത്തേ ഇവിടെ കുരങ്ങന്മാരുടെ ശല്യവും ഉണ്ടായിരുന്നു. അതിക്രമിച്ചു കയറാന്‍ ശ്രമിക്കുന്നവര്‍ക്കെതിരെയും സുരക്ഷ ശക്തമാക്കിയിട്ടുണ്ട്. രാഷ്ട്രപതി നിലയത്തിലെ താമസത്തിനിടെ മുഖര്‍ജി ആന്ധ്രപ്രദേശിലും തെലങ്കാനയിലുമായി വിവിധ പരിപാടികളില്‍ പങ്കെടുക്കും.

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:rashtrapati bhavan
News Summary - snake in ratrapathi nialayam telungana
Next Story