ബി.ജെ.പിക്ക്​ വേണ്ടി ചെയ്​തതിനെല്ലാം നന്ദി​; രാഹുലിനെതിരെ സ്​മൃതി ഇറാനി

ന്യൂഡൽഹി: കോൺഗ്രസ്​ ഉപാധ്യക്ഷൻ രാഹുൽ ഗാന്ധി കഴിഞ്ഞ ദിവസം നടത്തിയ പ്രസംഗത്തിനെതിരെ കേന്ദ്ര ടെക്​സ്​​െറ്റെൽസ്​ മന്ത്രി സ്​മൃതി ഇറാനി. രാഹുൽ ഗാന്ധി ഇതുവ​െര ചെയ്​ത​തിന്​ ബി.​െജ.പി ആത്​മാർഥമായി നന്ദി പറയുന്നു​െവന്നാണ്​ രാഹുലിനെ പരിഹസിച്ചുകൊണ്ട് സ​മൃതി ട്വീറ്റ്​ ചെയ്​തത്​. ആരാണ്​ ഹിറ്റലറിൽ നിന്ന്​ പ്രചോദനമുൾക്കൊണ്ട്​ അടിയന്തരാവസ്ഥ പ്രഖ്യാപിച്ചതെന്ന്​ എല്ലാവർക്കും അറിയാം. ജനാതിപത്യത്തി​​​െൻറ കറുത്ത എടാണ്​ അടിയന്തരാവസ്ഥയിലെ 21 മാസങ്ങ​ളെന്നും സ്​മൃതി ഇറാനി ട്വിറ്ററിൽ കുറിച്ചു.

രാഹുലി​​​െൻറ നിലവിലെ പ്രവർത്തി രാജ്യത്തിന്​ ദോഷമുണ്ടാക്കില്ല. കോൺഗ്രസിന്​ മാത്രമാണ്​ അത്​ തിരിച്ചടി നൽകുക. വളരെ മോശമായ ഭാവിയാണ്​ കോൺഗ്രസിനെ കാത്തിരിക്കുന്നതെന്ന്​ സമൃതി ഇറാനി വ്യക്​തമാക്കി.  

 ഡോ. ബി.ആർ. അംബേദ്​ക്കർ ഇൻറർ നാഷണൽ കോൺഫറൻസിനെ അഭിമുഖീകരിച്ച്​ സംസാരിക്കവെ കഴിഞ്ഞ ദിവസം ബി.ജെ.പിക്കെതിരെ രാഹുൽ ആഞ്ഞടിച്ചിരുന്നു. രോഹിത്​ വെമുല ആത്​മഹത്യ ചെയ്യില്ലെന്നും ദലിതനായതിനാൽ കൊല്ലപ്പെട്ടതാണെന്നും​ രാഹുൽ പറഞ്ഞിരുന്നു. ഞാനതിനെ ആത്​മഹത്യ​െയന്ന്​ വിളിക്കില്ല. കൊലപാതകമാണ്​. ദലിതനായതിനാൽ വെമുല അനുഭവിച്ച ദുരന്തങ്ങൾ മുലം കൊല്ലപ്പെടുകയായിരുന്നുവെന്ന്​ രാഹുൽ പറഞ്ഞു. രാജ്യത്തെ എല്ലാ സ്​ഥാപനങ്ങളും നരേന്ദ്രമോദിയും ആർ.എസ്​.എസും പിടിച്ചടക്കി​െയന്നു പറഞ്ഞ രാഹുൽ ദാദ്രിയിൽ മുഹമ്മദ്​ അഖ്​ലാഖിനെ തല്ലി​ക്കൊന്നതും എടുത്തു പറഞ്ഞു. 

നോട്ടു നിരോധനത്തെ കുറിച്ചും രാഹുൽ അഭിപ്രായ പ്രകടനം നടത്തി.  നോട്ടു നിരോധനം ബുദ്ധിപരമായ തീരുമാനമെന്ന്​ ബി.ജെ.പിക്കാർ  പരസ്യമായി പറയുകയും രഹസ്യമായി ബുദ്ധിഭ്രമമെന്ന്​ അംഗീകരിക്കുകയും ചെയ്യുന്നുവെന്നാണ്​ രാഹുൽ പ്രസംഗിച്ചത്​. 

ഇൗ പ്രസംഗത്തിനു ശേഷമാണ്​ ബി.ജെ.പിയോട്​ ചെയ്​തതിനെല്ലാം ആത്​മാർഥമായി നന്ദി പറയുന്നുവെന്ന്​ സ്​മൃതി ഇറാനി കുറിച്ചത്​.