മുസഫർപുർ അഭയകേന്ദ്രം പീഡന കേസ്​: പെൺകുട്ടിയുടെ അസ്​തികൂടം കണ്ടെത്തിയെന്ന്​ സി.ബി.​െഎ

ന്യൂഡൽഹി: നിരവധി അന്തേവാസികൾ ക്രൂര ലൈംഗിക പീഡനത്തിനിരയായെന്ന്​ ആരോപണമുയർന്ന മുസഫർപുർ അഭയകേന്ദ്രം കേസിൽ ഇര യെന്ന്​ സംശയിക്കുന്ന പ്രായപൂർത്തിയാകാത്ത പെൺകുട്ടിയുടെ അസ്​തികൂടം കണ്ടെത്തിയതായി സി.ബി.​െഎ സുപ്രീംകോടതിയെ അറിയിച്ചു. ലൈംഗിക പീഡനത്തിനിരയായ പെൺകുട്ടികളിൽ ചിലർ കൊല്ലപ്പെട്ടുവെന്ന സംശയം സ്​ഥിരീകരിക്കുന്നതാണ്​ പുതിയ കണ്ടെത്തൽ.

മുസഫർപുരിൽ സന്നദ്ധ സംഘടന നടത്തിയ അഭയകേന്ദ്രത്തിലാണ്​ പ്രായപൂർത്തിയെത്താത്ത 30ഒാളം പെൺകുട്ടികൾ​ ക്രൂര പീഡനത്തിനിരയായത്​. ഇവരിൽ ചില പെൺകുട്ടികളെ കാണാതാ​യെന്നും റിപ്പോർട്ടുണ്ടായിരുന്നു. മുസഫർപുരിലെ ശ്​മശാനത്തിൽ നിന്നാണ്​ പ്രതി കുഴിച്ചിട്ടതെന്ന്​ സംശയിക്കുന്ന 15കാരിയുടെ അസ്​തികൂടം​ ലഭിച്ചത്​.

ദേശീയ മാനസികാരോഗ്യ കേന്ദ്രം (നിംഹാൻസ്​) വിദഗ്​ധരുടെ സഹായത്തോടെ അഭയകേന്ദ്രത്തിൽ താമസിച്ചിരുന്ന അന്തേവാസികളുമായി സംസാരിച്ചുവരികയാണെന്നും കൂടുതൽ വിവരങ്ങൾ ലഭിക്കാൻ ഇനിയും സമയം വേണമെന്നും സുപ്രീംകോടതി ജസ്​റ്റിസുമാരായ മദൻ ബി. ലോകുർ, എസ്​. അബ്​ദുൽ നസീർ, ദീപക്​ ഗുപ്​ത എന്നിവരടങ്ങിയ ബെഞ്ചിനു മുമ്പാകെ അന്വേഷണസംഘം ബോധിപ്പിച്ചു.

മുസഫർപൂരിലെ അഭയന്ദ്രേത്തിൽ 40 അ​േന്തവാസികളാണ്​ അധികൃതരുടെ ലൈംഗിക പീഡനത്തിന്​ ഇരായായത്​. അന്തേവാസകളിൽ ചിലരെ പീഡനം ചെറുത്തതി​​​​െൻറ പേരിൽ മർദിച്ച്​ കൊന്ന്​ കുഴിച്ചുമൂടിയിരുന്നെന്ന്​ പീഡനത്തിനിരയായവർ മൊഴി നൽകിയിരുന്നു. അഭയകേന്ദ്രത്തി​​​​െൻറ മുറ്റത്താണ്​ കുഴിച്ചിട്ടതെന്ന്​ പറഞ്ഞ്​ പെൺകുട്ടികൾ കാണിച്ചുകൊടുത്ത സ്​ഥലത്ത്​ പ്രദേശിക പൊലീസ്​ കുഴിച്ചു നോക്കിയിരുന്നെങ്കിലും ഒന്നും കണ്ടെത്താനായിരുന്നില്ല.

അഭയകേന്ദ്രം നടത്തിപ്പുകാരനായ ബ്രിജേഷ്​ താക്കൂറാണ്​ സംഭവത്തിൽ ഒന്നാം പ്രതി. ഇയാളെ അന്വേഷണ സംഘം അറസ്​റ്റ്​ ചെയ്​തിരുന്നു. കൂടാതെ സാമൂഹിക നീതി വിഭാഗം അസിസ്​റ്റൻറ്​ ഡയറക്​ടർ റോസി റാണി, സ്​റ്റാഫംഗങ്ങളായ ഗുഡ്​ഡു, വിജയ്​, സന്തോഷ്​ എന്നിവരെയും കേസുമായി ബന്ധപ്പെട്ട്​ കസ്​റ്റഡിയിൽ എടുത്തിരുന്നു. താക്കൂറി​​​​െൻറ 20 ബാങ്ക്​ അക്കൗണ്ടുകൾ മരവിപ്പിക്കുകയും ഇയാളുടെ പേരിലുള്ള സ്വത്തുക്കളുടെ കൈമാറ്റം തടയുകയും ചെയ്​തിരുന്നു.

ടാറ്റ ഇൻസ്​റ്റിറ്റ്യൂട്ട്​ ഒാഫ്​ സോഷ്യൽ സയൻസ്​ അഭയകേന്ദ്രം അന്തേവാസികളുമായി നടത്തിയ അഭിമുഖത്തോടെയാണ്​ ലൈംഗിക പീഡന വിവരം പുറത്തറിഞ്ഞത്​. സംഭവത്തിൽ ജൂലൈ 26നാണ്​ സർക്കാർ സി.ബി.​െഎ അന്വേഷണം പ്രഖ്യാപിച്ചത്​. ആഗസ്​തിൽ കേസുമായി ബന്ധപ്പെട്ട്​ സാമൂഹിക നീതി വകുപ്പ്​ മന്ത്രി മഞ്​ജു ശർമ രാജിവെച്ചിരുന്നു. മഞ്​ജു ശർമയുടെ ഭർത്താവ്​ കേസിലെ പ്രതി ബ്രിജേഷ്​ താക്കൂറുമായി ജനുവരി മുതൽ ജൂൺ വരെ കാലയളവിൽ നിരന്തരം ബന്ധപ്പെട്ടിരുന്നുവെന്ന്​ കണ്ടെത്തിയതിനെ തുടർന്നായിരുന്നു രാജി.