Top
Begin typing your search above and press return to search.
exit_to_app
exit_to_app
യു.പിയിൽ ആറുവയസുകാരിക്ക്​ ക്രൂര പീഡനം; സ്വകാര്യഭാഗങ്ങൾ വികൃതമാക്കി: നില ഗുരുതരം
cancel
Homechevron_rightNewschevron_rightIndiachevron_rightയു.പിയിൽ...

യു.പിയിൽ ആറുവയസുകാരിക്ക്​ ക്രൂര പീഡനം; സ്വകാര്യഭാഗങ്ങൾ വികൃതമാക്കി: നില ഗുരുതരം

text_fields
bookmark_border

നോയിഡ: ഉത്തർപ്രദേശിലെ ഹാപുരിൽ വീട്ടുമുറ്റത്ത്​ കളിച്ചു​കൊണ്ടിരുന്ന ആറുവയസുകാരിയെ തട്ടിക്കൊണ്ടുപോയി ക്രൂര പീഡനത്തിന്​ ഇരയാക്കി. കുട്ടിയുടെ സ്വകാര്യ ഭാഗങ്ങൾ വികൃതമാക്കിയശേഷം സമീപത്തെ വയലിൽ ഉപേക്ഷിച്ചു. കുട്ടിയുടെ ആരോഗ്യനില അതിഗുരുതരമായി തുടരുന്നു.

വ്യാഴാഴ്​ച വൈകുന്നേരം ബൈക്കിലെത്തിയ അക്രമി കുട്ടിയെ തട്ടിക്കൊണ്ടുപോകുകയായിരുന്നു. കുട്ടിയെ കാണാതായതിനെ തുടർന്ന്​ കുടുംബം കോട്ട്​വാലി പൊലീസ്​ സ്​റ്റേഷനിൽ പരാതി നൽകിയിരുന്നു. പൊലീസും ബന്ധുക്കളും നാട്ടുകാരും ഏറെനേരം നടത്തിയ തെര​ച്ചിലിനൊടുവിൽ വെള്ളിയാഴ്​ച രാവിലെ ആറു​മണിയോടെ​ അബോധാവസ്​ഥയിൽ കുട്ടിയെ കണ്ടെത്തുകയായിരുന്നു. പ്രതിക്കായി തെരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല.

കുട്ടിയെ ആദ്യം ഹാപുരിലെ സർക്കാർ ആശുപത്രിയിലെത്തിച്ചെങ്കിലും ശസ്​ത്രക്രിയക്കായി മീററ്റ്​ മെഡിക്കൽ കോളജ്​ ആശുപത്രിയിലേക്ക്​ മാറ്റി. കുട്ടിയുടെ ആരോഗ്യനില വഷളാണെന്നും അതിക്രൂര പീഡനത്തിനിരയാക്കിയശേഷം സ്വകാര്യ ഭാഗങ്ങൾ വികൃതമാക്കിയതായും ഡോക്​ടർമാർ അറിയിച്ചു. സംഭവം നടന്ന്​ മണിക്കൂറുകൾ കഴിഞ്ഞിട്ടും പ്രതിയെ പിടികൂടാൻ പൊലീസിന്​ ഇതു​വരെ കഴിഞ്ഞിട്ടില്ല. എ.ഡി.ജി.പിയുടെ ഉത്തരവു പ്രകാരം കേസന്വേഷണത്തിനായി എട്ടംഗ സംഘത്തെ നിയോഗിച്ചു. ഉടൻ തന്നെ പ്രതിയെ പിടികൂടാൻ സാധിക്കുമെന്ന്​ ഹാപുർ എസ്​.പി സഞ്​ജീവ്​ സുമൻ പറഞ്ഞു.

Show Full Article
TAGS:Rape Case. Child abuse UP Rape 
News Summary - Six year old girl critical after brutal rape in UP
Next Story