കൊച്ചുവേളി-അമൃത്സർ എക്സ്പ്രസ് ഉൾപ്പെടെ ആറു ട്രെയിനുകൾ വൈകിയോടുന്നു; കാരണം മൂടൽമഞ്ഞ്

ന്യൂഡൽഹി: കനത്ത മൂടൽമഞ്ഞും കാഴ്ചപരിധി കുറഞ്ഞതും കാരണം കൊച്ചുവേളി-അമൃത്സർ എക്സ്പ്രസ് ഉൾപ്പെടെ ആറ് ട്രെയിനുകൾ വൈകിയോടുന്നു. കൊച്ചുവേളി-അമൃത്സർ എക്സ്പ്രസിനെ കൂടാതെ ജബൽപൂർ-ഹസ്രത് നിസാമുദ്ദീൻ ഗോണ്ട്വാന എക്സ്പ്രസ്, ഡോ. അംബേദ്കർ നഗർ-ശ്രീമാതാ വൈഷ്ണവ് ദേവി കത്ര മാൽവ സൂപ്പർ ഫാസ്റ്റ് എക്സ്പ്രസ്, രാജ്ഗീർ -ന്യൂഡൽഹി ശ്രാംജീവി എക്സ്പ്രസ് എന്നിവയാണ് വൈകിയോടുന്ന മറ്റ് ട്രെയിനുകൾ.

ഒന്നര മണിക്കൂറാണ് ആറു ട്രെയിനുകൾ വൈകിയോടുന്നത്. ബറൗണി-ന്യൂഡൽഹി ക്ലോൺ സ്പെഷ്യൽ, രാജ്ഘട്ട്- ഹസ്രത് നിസാമുദ്ദീൻ ഗോണ്ട്വാന എക്സ്പ്രസ് എന്നിവ യഥാക്രമം മൂന്നും രണ്ടും മണിക്കൂറുകൾ വൈകിയോടുന്നു.

രാജ്യതലസ്ഥാനമായ ഡൽഹിയിൽ വരും ദിവസങ്ങളിലും വായു നിലവാരത്തിൽ കുറവ് രേഖപ്പെടുത്തുമെന്ന് സിസ്റ്റം ഓഫ് എയർ ക്വാളിറ്റി ആൻഡ് വെതർ ഫോർകാസ്റ്റിങ് ആൻഡ് റിസർച്ച് (സഫർ) അറിയിച്ചു.