അതിശൈത്യം: ഗുരുതരാവസ്​ഥയിലായ വിനോദ സഞ്ചാരികളെ സൈനിക ആശുപത്രിയിലേക്ക്​ മാറ്റി

ലഡാക്​: അതിശൈത്യം മൂലം ഗുരുതരാവസ്​ഥയിലായ ആറ്​ വിനോദ സഞ്ചാരികളെ ആകാശമാർഗം ലേയിലെ സൈനിക ആശുപത്രിയിലേക്ക്​ മാ റ്റി.

ഉയരം കൂടിയ സ്​ഥലത്തെത്തു​േമ്പാൾ ശ്വാസകോശത്തിൽ നീര്​ കെട്ടിനിൽക്കുന്ന രോഗാവസ്​ഥയായ ഹൈ ആൾറ്റിറ്റ്യൂഡ്​ പൾമനെറി ഇഡീമയും (എച്ച്​.എ.പി.ഒ) ശീതാധിക്യത്തിലുണ്ടാകുന്ന ശരീര വീക്കവും (ഫ്രോസ്​റ്റ്​ ബൈറ്റ്​) ബാധിച്ച വിനോദസഞ്ചാരികളെ സൈനിക ഹെലികോപ്​റ്ററിൽ രക്ഷ​പ്പെടുത്തിയാണ്​ ആശുപത്രിയിലെത്തിച്ചത്​. ലഡാകിലെ തണുത്തുറഞ്ഞ സംസ്​കാർ നദിയിൽ എല്ലാ വർഷവും നടത്തുന്ന ചാദാർ ട്രക്കിങിന്​ എത്തിയവരാണ്​ അതിശൈത്യം മൂലം കുടുങ്ങിയത്​.