Begin typing your search above and press return to search.
exit_to_app
exit_to_app
Akhilesh Yadav
cancel
Homechevron_rightNewschevron_rightIndiachevron_rightയു.പിയിൽ അങ്കപ്പോര്;...

യു.പിയിൽ അങ്കപ്പോര്; ബി.ജെ.പി, ബി.എസ്​.പി എം.എൽ.എമാർ സമാജ്​വാദി പാർട്ടിയിൽ

text_fields
bookmark_border

ലഖ്​​േനാ: ഉത്തർപ്രദേശിൽ നിയമസഭ തെരഞ്ഞെടുപ്പ്​ നടക്കാനിരിക്കേ കരുത്തുതെളിയിക്കാൻ പാർട്ടികൾ. പാർട്ടികൾക്കുള്ളിലെ അസ്വാരസ്യങ്ങൾക്കൊടുവിൽ ആറ്​ വിമത ബി.എസ്​.പി എം.എൽ.എമാരും ഒരു ബി.ജെ.പി എം.എൽ.എയും അഖിലേഷ്​ യാദവിന്‍റെ സമാജ്​വാദി പാർട്ടിയിൽ.

ലഖ്​നോവിൽ നടന്ന പരിപാടിക്കിടെയാണ്​ ഏഴുപേരും എസ്​.പിയിൽ ചേർന്നത്​. ബി.എസ്​.പിയിലെ ആറ്​ വിമത എം.എൽ.എമാരെയും നേരത്തേ സസ്പെൻഡ്​ ചെയ്​തിരുന്നു. എസ്​.പി അധ്യക്ഷന്‍റെ സാന്നിധ്യത്തിലായിരുന്നു ഏഴുപേരുടെയും പാർട്ടി പ്രവേശനം.

സീതാപൂർ സദറിലെ ബി.ജെ.പി എം.എൽ.എയായ രാകേഷ്​ റാത്തോർ, ബി.എസ്​.പി എം.എൽ.എമാരായ അസ്​ലം റായ്​നി, മുജ്​താബ സിദ്ദിഖി, അസ്​ലം അലി ചൗധരി, ഹക്കീം ലാൽ ബിന്ദ്​, സുഷ്​മ പ​േട്ടൽ, ഹർഗോവിന്ദ്​ ഭാർഗവ എന്നിവരാണ്​ എസ്​.പിയിലെത്തിയത്​.

കഴിഞ്ഞവർഷം നടന്ന നിയമസഭ തെരഞ്ഞെടുപ്പിൽ മായാവതിയുടെ നേതൃത്വത്തിലുള്ള ബി.എസ്​.പിയിലെ ഔദ്യോഗിക സ്​ഥാനാർഥിയുടെ നോമിനേഷനെ ഇവർ എതിർത്തതിനെ തുടർന്ന്​ ആറുപേരെയും സസ്​പെൻഡ്​ ചെയ്​തിരുന്നു.

പാർട്ടി സസ്​പെൻഡ്​ ചെയ്​തതുമുതൽ എസ്​.പി നേതാക്കളുമായി അടുത്ത ബന്ധം ഇവർ സ്​ഥാപിച്ചിരുന്നു. കൂടുതൽ നേതാക്കൾ മറ്റു പാർട്ടികളിൽനിന്ന്​ എസ്​.പിയിലേക്ക്​ എത്ത​ുമെന്നാണ്​ വിവരം. രണ്ടു വിമത ബി.എസ്​.പി നേതാക്കളും മുൻ യു.പി മന്ത്രിമാരുമായ ലാൽജി വർമ, രാമചന്ദ്ര രാജ്​ബാർ എന്നിവർ നവംബർ ഏഴിന്​ എസ്​.പിയിൽ ചേരുമെന്നാണ്​ വിവരം.

Show Full Article
TAGS:UP election 2022 Samajwadi Party BSP BJP 
News Summary - Six rebel BSP MLAs and one BJP MLA join Samajwadi Party in UP
Next Story