മകളെ പ്രണയിച്ച്​ വഞ്ചിച്ചയാളുടെ കുടുംബത്തിലെ പിഞ്ചുകുട്ടികളടക്കം ആറുപേരെ വെട്ടിക്കൊന്ന്​ അച്​ഛൻ

വിശാഖപട്ടണം: മകളെ പ്രണയിച്ച്​ വഞ്ചിച്ചയാളുടെ വീട്ടിൽ കയറി പിഞ്ചുകുട്ടികളെയടക്കം ആറുപേരെ വെട്ടിക്കൊന്ന് പ്രതികാരം. ആന്ധ്രപ്രദേശിലെ വിശാഖപട്ടണത്തെ ജുട്ടഡ ഗ്രാമത്തിൽ വ്യാഴാഴ്ച രാവിലെയാണ്​​ സംഭവം. ഒരു പുരുഷനും മൂന്ന്​ സ്​​ത്രീകളും രണ്ട്​ കുട്ടികളുമാണ്​ കൊല്ലപ്പെട്ടത്​. രണ്ട് വയസുള്ള ഒരു കുട്ടിയും ആറുമാസം പ്രായമുള്ള മറ്റൊരു കുട്ടിയുമാണ്​ മരിച്ചത്​.

കൂട്ടക്കൊലയ്ക്ക് പിന്നില്‍ അയല്‍ക്കാരനായ അപ്പാലരാജു ആണെന്നും ഇയാള്‍ക്കായി തിരച്ചില്‍ ഊര്‍ജിതമാക്കിയെന്നും പൊലീസ് പറഞ്ഞു. രമണ(60), ഉഷാറാണി(35), രമാദേവി (53), അരുണ (37), ഉദയ്കുമാര്‍ (രണ്ട്), ഉര്‍വശി (ആറ് മാസം) എന്നിവരാണ് മരിച്ചത്. ഇവരുടെ കുടുംബാംഗമായ വിജയ്​ അപ്പാലരാജുവിന്‍റെ മകളുമായി പ്രണയത്തിലായിരുന്നു. പിന്നീട്​ വിജയ്​്​ വേറെ വിവാഹം കഴിച്ചു. വിവാഹത്തിന​ുശേഷം നാട്ടിൽ നിന്ന്​ മാറിയ വിജയ്​ തിരി​െക എത്തിയിട്ടുണ്ടെന്നറിഞ്ഞ്​ അയാളോട്​ പ്രതികാരം ചെയ്യാനാണ്​ അപ്പാലരാജു വീട്ടിലെത്തിയത്. എന്നാല്‍, വിജയ്​​ വീട്ടിലുണ്ടായിരുന്നില്ല. തുടര്‍ന്ന് മറ്റുള്ളവരെ പുല്ലരിയുന്ന ആയുധം ഉപയോഗിച്ച്​ ക്രൂരമായി വെട്ടിക്കൊല്ലുകയായിരുന്നെന്ന്​ ടൈംസ്​ ഓഫ്​ ഇന്ത്യ റിപ്പോർട്ട്​ ചെയ്യുന്നു.

വിവാഹ വാഗ്​ദാനം നൽകി പീഡിപ്പിച്ച ശേഷം വിജയ്​ മകളുമായുള്ള പ്രണയത്തിൽ നിന്ന്​ പിന്മാറിയതിന്‍റെ പ്രതികാരമായാണ്​ അപ്പാലരാജു കൊല നടത്തിയത്​. അടുത്തിടെ വിജയ് മറ്റൊരു യുവതിയെ വിവാഹം കഴിച്ച് കുടുംബത്തോടെ വിജയവാഡയിലേക്ക് താമസം മാറിയിരുന്നു. കഴിഞ്ഞദിവസം ഒരു വിവാഹത്തില്‍ പങ്കെടുക്കാനായാണ് വിജയ്​യും കുടുംബവും ഗ്രാമത്തിലെത്തിയത്​. അതേസമയം, 2018 മുതൽ ഇ​രു കുടുംബങ്ങളും തമ്മിൽ ചില പ്രശ്നങ്ങൾ നിലനിന്നിരുന്നതായും നാട്ടുകാർ പറയുന്നു.