Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകൊടിക്കുന്നിലും...

കൊടിക്കുന്നിലും രാഘവനുമടക്കം ആറ്​ എം.പിമാർക്ക്​ സസ്​പെൻഷൻ

text_fields
bookmark_border
കൊടിക്കുന്നിലും രാഘവനുമടക്കം ആറ്​ എം.പിമാർക്ക്​ സസ്​പെൻഷൻ
cancel

ന്യൂഡൽഹി: രാജ്യത്ത്​ വ്യാപകമായി അരങ്ങേറുന്ന ആൾക്കൂട്ട ആക്രമണങ്ങളും കൊലപാതകങ്ങളും അടിയന്തരമായി ചർച്ച ചെയ്യണമെന്ന​ ആവശ്യം തള്ളിക്കളഞ്ഞതിൽ പ്രതിഷേധിച്ച കോൺഗ്രസ്​ എം.പിമാരെ സ്പീക്കർ സുമിത്ര മഹാജൻ ലോക്​സഭയിൽ നിന്ന്​ ഒരാഴ്​ചക്കാലത്തേക്ക്​ സസ്​പെൻഡ്​ ചെയ്​തു. കേരളത്തിൽ നിന്നുള്ള കൊടിക്കുന്നിൽ സുരേഷ്​, എം.കെ. രാഘവൻ, അസം മുൻ മുഖ്യമന്ത്രി തരുൺ ഗോ​േഗായിയുടെ മകൻ ഗൗരവ്​ ഗോഗോയി, സുഷ്​മിതാ ദേവി, രഞ്​ജീത്​ രഞ്​ജൻ, അധിർ ചൗധരി എന്നിവർക്കാണ്​ മു​ദ്രാവാക്യം വിളിച്ച്​ സ്​പീക്കറുടെ ചെയറിലേക്ക്​ കടലാസുകളെറിഞ്ഞ്​ സഭാനടപടികൾ തടസ്സപ്പെടുത്തി​യതിന്​ ഇൗയാഴ്​ചത്തെ അഞ്ച്​ പ്രവൃത്തി ദിനങ്ങളിലും സസ്​പെൻഷൻ.

ഇത്​ രണ്ടാം തവണയാണ്​ സ്​പീക്കർ സുമിത്ര മഹാജൻ കോൺഗ്രസ്​ അംഗങ്ങളെ സസ്​പെൻഡ്​ ചെയ്യുന്നത്​. 2015 ജൂലൈയിൽ 25 കോൺഗ്രസ്​ എം.പിമാരെ സസ്​പെൻഡ്​ ചെയ്​തിരുന്നു. സസ്​പെൻഷനിൽ പ്രതിഷേധിച്ച്​ പ്രതിപക്ഷ അംഗങ്ങൾ ഇന്ന്​ ഗാന്ധി പ്രതിമക്ക്​ മുന്നിൽ ധർണ നടത്തും. സഭ രാവിലെ 11ന്​​ സമ്മേളിച്ചപ്പോൾ രാജ്യത്തുടനീളം അരങ്ങേറുന്ന ആൾക്കൂട്ട ആക്രമണത്തിൽ അടിയന്തരപ്രമേയത്തിന്​ അനുമതി ആവശ്യപ്പെട്ട്​ നോട്ടീസ്​ നൽകിയ വിവരം ലോക്​സഭയിലെ കോൺഗ്രസ്​ സഭ നേതാവ്​ മല്ലികാർജുൻ ഖാർഗെ ഒാർമിപ്പിച്ചു. തൃണമൂൽ കോൺഗ്രസിലെ സൗഗത റോയിയും ഇടതുപക്ഷവും ഇൗ ആവശ്യത്തെ പിന്തുണച്ചു. എന്നാൽ, സർക്കാർ അക്രമത്തെ അപലപിച്ചിട്ടുണ്ടെന്നും ഇക്കാര്യം രാജ്യസഭയിൽ അരുൺ ജെയ്​റ്റ്​ലി വ്യക്​തമാക്കിയിട്ടുണ്ടെന്നും ചർച്ചക്ക്​ അനുമതി നൽകരുതെന്നും​ കേന്ദ്രമന്ത്രി അനന്ത്​കുമാർ ആവശ്യപ്പെട്ടു. ഇതോടെ ബി.ജെ.പി എം.പിമാർ ഒന്നടങ്കം ബഹളം വെച്ചു. കോൺഗ്രസ്​ അധ്യക്ഷ സോണിയ ഗാന്ധിയും ഉപാധ്യക്ഷൻ രാഹുൽ ഗാന്ധിയും ഇൗ സമയത്ത്​ സഭയിലുണ്ടായിരുന്നു. 

ഖാർഗെയെ ഗൗനിക്കാതെ  അടിയന്തരപ്രമേയത്തിനുള്ള അവതരണാനുമതി നിഷേധിച്ച സ്​പീക്കർ ചോദ്യോത്തരവേളയിലേക്ക്​ കടന്ന​ു. പ്രതിപക്ഷനിര ഒന്നടങ്കം എഴുന്നേറ്റുനിന്നിട്ടും അവരെന്താണ്​ പറയുന്നത്​ എന്ന്​ കേൾക്കാൻപോലും സ്​പീക്കർ തയാറായില്ല. ഇൗ അവസരത്തിൽ കേരളത്തിൽ നിന്നുള്ള കെ.സി. വേണുഗോപാൽ, കൊടിക്കുന്നിൽ സുരേഷ്​, എം.കെ. രാഘവൻ, ഇ.ടി. മുഹമ്മദ്​ ബഷീർ തുടങ്ങിയവരടക്കം കോൺഗ്രസ്​ എം.പിമാർ ഒന്നടങ്കം പ്രതിഷേധവുമായി എഴുന്നേറ്റ്​ നടുത്തളത്തിലേക്ക്​ മുദ്രാവാക്യവുമായി നീങ്ങി. 11.45 വരെ മുദ്രാവാക്യം വിളിച്ചിട്ടും സ്​പീക്കർ വിഷയത്തിൽ എന്തെങ്കിലും സം​സാരിക്കാൻ മല്ലികാർജുൻ ഖാർഗെക്ക്​ അവസരം കൊടുത്തില്ല. തുടർന്ന്​ 20 മിനിറ്റോളം സഭയു​െട നടുത്തളത്തിൽ എം.പിമാർ കുത്തിയിരിപ്പ്​ സമരവും നടത്തി.

ചോദ്യോത്തരവേള കഴിഞ്ഞ്​ ശൂന്യവേളയിലേക്ക്​ കടന്നിട്ടും ആൾക്കൂട്ടആക്രമണം ചർച്ച ചെയ്യാൻ അവസരം നൽകിയില്ല. മല്ലികാർജുൻ ഖാർഗെ ശൂന്യവേളയിൽ സംസാരിക്കാൻ തുടങ്ങിയപ്പോഴേക്കും മൈക്ക്​ ഒാഫാക്കിയ സ്​പീക്കർ ബി.ജെ.പി എം.പിമാരെ വിഷയം അവതരിപ്പിക്കാൻ വിളിച്ചത്​ പ്രതിപക്ഷത്തെ കുടുതൽ പ്രകോപിപ്പിച്ചു. ബോ​േഫാഴ്​സ്​ അടക്കമുള്ള പഴയ വിഷയങ്ങൾ അവതരിപ്പിക്കാനാണ്​ സുമിത്ര മഹാജൻ ശൂന്യവേളയിൽ അനുമതി കൊടുത്തത്​. ഒരേവിഷയം തന്നെ മൂന്ന്​ എം.പിമാർ ഉന്നയിച്ചതോടെ ഭരണപക്ഷവും പ്രതിപക്ഷവും കൊമ്പുകോർത്തു. ഇതിനിടയിലാണ്​ അംഗങ്ങൾ മുദ്രാവാക്യം വിളിച്ച്​ കടലാസുകൾ കീറിയെറിഞ്ഞത്​.

രാവിലെ ലോക്​സഭയുടെ കാര്യോപദേശകസമിതി അജണ്ട നിർണയിക്കാൻ ചേർന്നപ്പോഴ​ും ഭരണപക്ഷത്തിന്​ മൃ​ഗീയ ഭൂരിപക്ഷമുള്ള സഭയിൽ ഇൗ ചർച്ച അനുവദിക്കില്ല എന്ന നിലപാടാണ്​ എടുത്തതെന്ന്​ സസ്​പെൻഡ്​ ചെയ്യപ്പെട്ട കേരളത്തിൽ നിന്നുള്ള എം.പിമാരായ എം.കെ. രാഘവനും കൊടിക്കുന്നിൽ സുരേഷും വാർത്തസമ്മേളനത്തിൽ പറഞ്ഞു. ഗോരക്ഷകഗുണ്ടകളെ തള്ളി ഏത്​ വിഷയവും ചർച്ച ചെയ്യാൻ തയാറാണെന്ന്​ സഭക്ക്​ പുറത്തുപറയുകയും സഭയിൽ ചർച്ച ചെയ്യു​േമ്പാൾ അതിൽ നിന്ന്​ ഒളിച്ചോടുകയും ചെയ്യുന്ന ഇരട്ടത്താപ്പാണ്​ ബി.ജെ.പിയുടെ ഭാഗത്തുനിന്നുണ്ടായതെന്നും ഇരുവരും കുറ്റപ്പെടുത്തി. കഴിഞ്ഞയാഴ്​ച കർഷകആത്​മഹത്യ ലോക്​സഭ ചർച്ച ചെയ്​തപ്പോൾ രാജ്യസഭയിൽ ആൾക്കൂട്ട ആക്രമണം ചർച്ചചെയ്യാനും ഇൗയാഴ്​ച മറിച്ചും ചെയ്യാനായിരുന്നു പ്രതിപക്ഷതീരുമാനമെന്നും അവർ വ്യക്​തമാക്കി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:suspendedlok sabhacow protectioncongress MPmalayalam news
News Summary - Six Congress MPs suspended from Lok Sabha for disrupting house, LS adjourned for the day -india news
Next Story