സിഖ്​ തീർഥാടകർക്ക്​ ​വിസയില്ലാതെ പ്രവേശനം നൽകുമെന്ന്​ പാകിസ്​താൻ

ഇസ്​ലമാബാദ്​: സിഖ്​​ തീർഥാടകർക്ക്​ കർത്താർപുർ ഗുരുദ്വാരയിലേക്ക്​ വിസയില്ലാതെ പ്രവേശനം നൽകുമെന്ന്​ പാകിസ്​താൻ. പാകിസ്​താൻ ഇൻഫർമേഷൻ മന്ത്രി ഫവാദ്​ ചൗധരിയാണ്​ വിസയില്ലാതെ സിഖ്​ തീർഥാടകർക്ക്​ കർത്താപുർ സാഹിബ്​ ഗുരുദ്വാരയിലേക്ക്​ പ്രവേശനം നൽകുമെന്ന്​ അറിയിച്ചത്​.

ബി.ബി.സി ഉറുദുവുമായി നടത്തിയ അഭിമുഖത്തിലാണ്​ ചൗധരി ​ ഗുരുദ്വാര സന്ദർശിക്കുന്നതിനായി പുതിയ സംവിധാനം ഏർപ്പെടുത്തുമെന്ന്​ അറിയിച്ചത്​. ഇതിനായി പ്രത്യേക റോഡ്​ നിർമിക്കുമെന്നും അദ്ദേഹം വ്യക്​തമാക്കി.

അതേ സമയം, ഇതുസംബന്ധിച്ച്​ ഇനിയും വ്യക്​തത കൈവന്നിട്ടില്ല. വർഷം മുഴുവനും തീർഥാടന കേന്ദ്രത്തിലേക്ക്​ പ്രവേശനം അനുവദിക്കുമോയെന്ന്​ പാകിസ്​താൻ അറിയിച്ചിട്ടില്ല. അടുത്ത വർഷം ഗുരുനാനാക്കി​​​െൻറ 550ാം ജയന്തിയാണ്​ ഇതുമായി ബന്ധപ്പെട്ട്​ മാത്രമാണോ പ്രവശനമെന്ന കാര്യത്തിലും വ്യക്​തതയില്ല.