കേരളത്തിലും കർണാടകയിലും ഐ.എസ്​ സാന്നിധ്യമുണ്ടെന്ന്​ യു.എൻ റിപ്പോർട്ട്​

ന്യൂഡൽഹി: കേരള, കർണാടക സംസ്​ഥാനങ്ങളിൽ ഐ.എസ്​​, അൽ ഖ്വയ്​ദ തുടങ്ങിയ ഭീകരസംഘടനകളിൽപ്പെട്ടവരുടെ സാന്നിധ്യമു​​ണ്ടെന്ന്​ യു.എൻ റിപ്പോർട്ട്​. ഇന്ത്യ, പാകിസ്​താൻ, ബംഗ്ലാദേശ്​, മ്യാൻമർ എന്നിവിടങ്ങളിൽ നിന്നായി 150 മുതൽ 200 വരെ പേർ ഇന്ത്യൻ ഉപഭൂഖണ്ഡത്തിൽ മാത്രം ഈ സംഘടനകൾക്ക്​ വേണ്ടി പ്രവർത്തിക്കുന്നുണ്ട്​. ഐ.എസ്​, അൽ ഖ്വയ്​ദ എന്നിവയെ കുറിച്ചും ഇവയുമായി ബന്ധമുള്ള വ്യക്തികളെ കുറിച്ചും പ്രതിപാദിക്കുന്ന, അനലിറ്റിക്കല്‍ സപ്പോര്‍ട്ട് ആന്‍ഡ് സാങ്ഷന്‍സ് മോണിട്ടറിങ് ടീമി​​​െൻറ 26ാമത് റിപ്പോര്‍ട്ടിലാണ് ഈ വിവരങ്ങളുള്ളതെന്ന്​ വാര്‍ത്ത ഏജന്‍സിയായ പി.ടി.ഐ റിപ്പോര്‍ട്ട് ചെയ്യുന്നു.

അഫ്ഗാനിസ്​താനിലെ നിംറുസ്, ഹേല്‍മന്ദ്, കാണ്ഡഹാര്‍ പ്രവിശ്യകളില്‍നിന്ന് താലിബാനു കീഴിലാണ് ഇന്ത്യന്‍ ഉപഭൂഖണ്ഡത്തിലെ അല്‍ ഖ്വയ്ദ (Al-Qaida in the Indian Subcontinent) അഥവാ അഖ്വിസ്​ പ്രവര്‍ത്തിക്കുന്നതെന്ന്​ റിപ്പോർട്ടിൽ പറയുന്നു. ഒസാമ മഹ്​മൂദ് ആണ് നിലവിലെ അഖ്വിസ്​ തലവന്‍. കൊല്ല​പ്പെട്ട അസിം ഉമറി​​​െൻറ പിന്തുടർച്ചക്കാരനായാണ്​ ഒസാമ നേതൃനിരയിലേക്ക്​ എത്തുന്നത്​. മേഖലയില്‍ ആക്രമണം നടത്താന്‍ ഇവര്‍ പദ്ധതിയിടുന്നുണ്ട്. ഉമറി​​​െൻറ മരണത്തിനു പകരം വീട്ടുകയാണ്​ ഇതിന്​ പിന്നിലെ പ്രധാന ലക്ഷ്യമെന്നും റിപ്പോര്‍ട്ട് വ്യക്തമാക്കുന്നു. 

ഇതിനെ കുറിച്ച്​ വിവരിക്കുന്ന ഭാഗത്താണ്​ കേരളത്തിലും കര്‍ണാടകത്തിലും ഐ.എസ്-അൽ ഖ്വയ്​ദ ഭീകരവാദികളുണ്ടെന്ന്​ റിപ്പോര്‍ട്ടില്‍ പറയുന്നത്​.  

കഴിഞ്ഞ വർഷം മേയ്​ പത്തിന്​ ഇന്ത്യയില്‍ ഒരു പുതിയ പ്രവിശ്യ സ്ഥാപിച്ചതായി ഐ.എസ്​ പ്രഖ്യാപിച്ചിരുന്നു. ഇതിൽ 200 അംഗങ്ങൾ വരെയുണ്ടെന്നാണ്​ ഒരു അംഗരാജ്യത്തിൽ നിന്നുള്ള വിവരങ്ങൾ ഉദ്ധരിച്ച്​ യു.എൻ. റിപ്പോർട്ടിലുള്ളത്​. കശ്​മീരിൽ സൈന്യവും ഭീകരരും തമ്മിലുണ്ടായ ഏറ്റുമുട്ടലിന്​ പിന്നാലെയാണ്​ പ്രവിശ്യ സംബന്ധിച്ച്​ പ്രഖ്യാപനം ഐ.എസ്​ നടത്തിയത്​. വിലായത്​ ഓഫ് ഹിന്ദ് (ഇന്ത്യ പ്രവിശ്യ) എന്നാണ്​ ഇതി​​​െൻറ പേരെന്ന്​ അമാഖ് ന്യൂസ് ഏജന്‍സിയിലൂടെയാണ്​ ഐ.എസ് പ്രഖ്യാപിച്ചത്​. 

മുമ്പ്​ ഐ.എസി​​​െൻറ കശ്​മീരിലെ അക്രമണങ്ങൾ അവരുടെ ഖൊറാസൻ പ്രവിശ്യയിലെ ശാഖ വഴിയാണ്​ നടത്തിയിരുന്നത്​. 2015ലാണ്​ അഫ്​ഗാനിസ്​താനും പാകിസ്​താനും സമീപ പ്രദേശങ്ങളും കൈകാര്യം ചെയ്യുന്ന രീതിയിൽ ഖൊറാസൻ ശാഖ ഐ.എസ്​ തുടങ്ങിയത്​. 

അതേസമയം, ഇന്ത്യയിൽ പ്രവിശ്യ ഉണ്ടാക്കിയെന്ന ​െഎ.എസി​​​െൻറ വാദം തെറ്റാണെന്നാണ്​ ജമ്മു-കശ്​മീർ പൊലീസിലെ ഒരു ഉന്നത ഉദ്യോഗസ്​ഥൻ പറയുന്നത്​.