സിദ്ദീഖ്​ കാപ്പ​െൻറ നില മോശം അവസ്ഥയെന്ന്​ ​ഭാര്യ

ന്യൂഡൽഹി: ഉത്തർപ്രദേശ്​ പൊലീസ്​ രാജ്യ​േ​ദ്രാഹക്കുറ്റം ചുമത്തി ജയിലിലടച്ച മലയാളി മാധ്യമപ്രവർത്തകൻ സിദ്ദീഖ്​ കാപ്പ​െൻറ ആരോഗ്യസ്​ഥിതി മോശമായി​ക്കൊണ്ടിരിക്കുകയാണെന്ന്​ ഭാര്യ റൈഹാന പറഞ്ഞു.

എസ്​.ഐ.ഒ സംഘടിപ്പിച്ച രാജ്യത്തെ രാഷ്​ട്രീയ തടവുകാരുടെ കുടുംബാംഗങ്ങളുടെ ഓൺലൈൻ ഒത്തുചേരലിൽ സംസാരിക്കുകയായിരുന്നു അവർ. 15 വർഷമായി പ്രമേഹരോഗിയായ സിദ്ദീഖ്​​​​ ജയിൽ അധികൃതർ നൽകുന്ന ഭക്ഷണം കഴിക്കാൻ പറ്റാത്തതുകൊണ്ട്​ രണ്ടാഴ്​ചയായി കക്കിരി മാത്രം കഴിച്ചാണ്​ ജീവൻ നിലനിർത്തുന്നത്​.

ഒരാഴ്​ച മുമ്പ്​ പനി ബാധിച്ച ഭർത്താവ്​ ജയിലിൽ കുഴഞ്ഞുവീണു. ജയിലിൽ ക്രൂരമർദനമാണ്​ ഏൽക്കേണ്ടിവരുന്നത്​. ഉടൻ ആവശ്യമായ വൈദ്യസഹായം ലഭിച്ചില്ലെങ്കിൽ അദ്ദേഹത്തി​െൻറ അവസ്ഥ കൂടുതൽ മോശമാകുമെന്നും റൈഹാന പറഞ്ഞു.