‘സീറ്റൊഴിവില്ല, അഞ്ച് വർഷം ഇവിടെയുണ്ടാകും’; മുഖ്യമന്ത്രി മാറുമെന്ന അഭ്യൂഹം തള്ളി സിദ്ധരാമയ്യ

ബംഗളൂരു: കർണാടകയിലെ കോൺഗ്രസ് സർക്കാറിന്‍റെ നേതൃമാറ്റ ചർച്ച പുരോഗമിക്കുന്നുവെന്ന അഭ്യൂഹം തള്ളി മുഖ്യമന്ത്രി സിദ്ധരാമയ്യ രംഗത്ത്. സ്ഥാനമൊഴിയാൻ ഹൈകമാൻഡ് ആവശ്യപ്പെട്ട റിപ്പോർട്ട് തള്ളിയ സിദ്ധരാമയ്യ, അഞ്ച് വർഷ കാലയളവിൽ പൂർണമായും താൻ മുഖ്യമന്ത്രി കസേരയിലുണ്ടാകുമെന്ന് പറഞ്ഞതായി ഇന്ത്യ ടുഡേ റിപ്പോർട്ട് ചെയ്തു.

“അഞ്ച് വർഷം ഞാൻ തന്നെയായിരിക്കും മുഖ്യമന്ത്രിയെന്ന കാര്യം വ്യക്തമാക്കുകയാണ്. ഡി.കെ. ശിവകുമാറിന് മുഖ്യമന്ത്രിയാകണമെന്ന് താൽപര്യമുണ്ടാകും. എന്നാൽ ആ കസേര ഇപ്പോൾ ഒഴിവില്ലെന്ന് അദ്ദേഹം തന്നെ പറഞ്ഞിട്ടുണ്ട്. കോൺഗ്രസ് എന്നോട് സ്ഥാനമൊഴിയാൻ ആവശ്യപ്പെട്ട തരത്തിലുള്ള അഭ്യൂഹങ്ങൾ തെറ്റാണ്” -സിദ്ധരാമയ്യ പറഞ്ഞു. ഉപമുഖ്യമന്ത്രി ഡി.കെ. ശിവകുമാറിനെ സർക്കാർ രണ്ടര വർഷം പിന്നിടുന്ന വേളയിൽ മുഖ്യമന്ത്രിയാക്കുമെന്ന അഭ്യൂഹം ശക്തമാകുന്ന വേളയിലാണ് സിദ്ധരാമയ്യ പ്രതികരിച്ചത്.

സി​ദ്ധ​രാ​മ​യ്യയും ഡി.​കെ. ശി​വ​കു​മാ​റും കഴിഞ്ഞ ദിവസം ഡ​ൽ​ഹി​യി​ൽ എത്തിയിരുന്നു. എ.​ഐ.​സി.​സി അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ, ലോ​ക്സ​ഭ പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി എ​ന്നി​വ​രു​മാ​യി ച​ർ​ച്ച നടത്തുമെന്ന റിപ്പോർട്ട് വന്നതോടെയാണ് നേതൃമാറ്റമെന്ന അഭ്യൂഹം വീണ്ടുമുയർന്നത്. എന്നാൽ വി​ക​സ​ന പ​ദ്ധ​തി​ക​ളു​മാ​യി ബ​ന്ധ​പ്പെ​ട്ട് തി​ക​ച്ചും ഔ​ദ്യോ​ഗി​ക​പ​ര​മാ​ണ് ത​ങ്ങ​ളു​ടെ സ​ന്ദ​ർ​ശ​ന​മെ​ന്ന് സി​ദ്ധ​രാ​മ​യ്യ​യും ശി​വ​കു​മാ​റും പ്ര​തി​ക​രി​ച്ചു.

ന​വം​ബ​റി​ൽ സ​ർ​ക്കാ​ർ ഭ​ര​ണം ര​ണ്ട​ര വ​ർ​ഷം പൂ​ർ​ത്തി​യാ​വും. നി​യ​മ​സ​ഭ തെ​ര​ഞ്ഞെ​ടു​പ്പി​ൽ നേ​ടി​യ ഉ​ജ്ജ്വ​ല വി​ജ​യ​ത്തി​ന് പി​ന്നാ​ലെ മു​ഖ്യ​മ​ന്ത്രി പ​ദ​വി​ക്കാ​യി സി​ദ്ധ​രാ​മ​യ്യ​യും ഡി.​കെ. ശി​വ​കു​മാ​റും ച​ര​ടു​വ​ലി​ച്ചി​രു​ന്നു. ഒ​ടു​വി​ൽ ഹൈ​ക​മാ​ൻ​ഡി​ന്റെ നി​ർ​ബ​ന്ധ​ത്തി​ന് വ​ഴ​ങ്ങി​യാ​ണ് ശി​വ​കു​മാ​ർ പി​ടി അ​യ​ച്ച​ത്. ഇ​രു​വ​ർ​ക്കും ര​ണ്ട​ര​വ​ർ​ഷം വീ​തം മു​ഖ്യ​മ​ന്ത്രി​പ​ദ​മെ​ന്ന ഫോ​ർ​മു​ല രൂ​പ​പ്പെ​ടു​ത്തി​യി​രു​ന്ന​താ​യാ​ണ് വി​വ​രം. സി​ദ്ധ​രാ​മ​യ്യ​യു​​ടെ കാ​ലാ​വ​ധി ര​ണ്ടു​വ​ർ​ഷം പി​ന്നി​ട്ട​തോ​ടെ ഡി.​കെ വി​ഭാ​ഗം മു​ഖ്യ​മ​ന്ത്രി​മാ​റ്റം സം​ബ​ന്ധി​ച്ച ച​ർ​ച്ച സ​ജീ​വ​മാ​ക്കു​ക​യാ​യി​രു​ന്നു.

കോ​ൺ​ഗ്ര​സ് സ​ർ​ക്കാ​ർ ഉ​റ​ച്ച പാ​റ​പോ​ലെ അ​ഞ്ചു​വ​ർ​ഷം പൂ​ർ​ത്തി​യാ​ക്കു​മെ​ന്നാ​യി​രു​ന്നു ഇ​തു​സം​ബ​ന്ധി​ച്ച് സി​ദ്ധ​രാ​മ​യ്യ​യു​ടെ പ്ര​തി​ക​ര​ണം. തീ​രു​മാ​ന​ങ്ങ​ളെ​ല്ലാം ഹൈ​ക​മാ​ൻ​ഡി​ന്റേ​താ​ണെ​ന്നാ​യി​രു​ന്നു ശി​വ​കു​മാ​ർ വ്യ​ക്ത​മാ​ക്കി​യ​ത്. ശി​വ​കു​മാ​റി​നെ മു​ഖ്യ​മ​ന്ത്രി​യാ​ക്ക​ണ​മെ​ന്ന് പ​ര​സ്യ​മാ​യി ആ​വ​ശ്യ​പ്പെ​ട്ട രാ​മ​ന​ഗ​ര​യി​ൽ​നി​ന്നു​ള്ള കോ​ൺ​ഗ്ര​സ് എം.​എ​ൽ.​എ ഇ​ഖ്ബാ​ൽ ഹു​സൈ​ന് കെ.​പി.​സി.​സി അ​ധ്യ​ക്ഷ​നാ​യ ശി​വ​കു​മാ​ർ​ത​ന്നെ കാ​ര​ണം കാ​ണി​ക്ക​ൽ നോ​ട്ടീ​സും ന​ൽ​കി. സ​ർ​ക്കാ​റി​നെ​തി​രെ കോ​ൺ​ഗ്ര​സ് എം.​എ​ൽ.​എ​മാ​രാ​യ രാ​ജു കാ​ഗെ, ബി.​ആ​ർ പാ​ട്ടീ​ൽ, ബേ​ലൂ​ർ ഗോ​പാ​ല​കൃ​ഷ്ണ എ​ന്നി​വ​രും രം​ഗ​ത്തെ​ത്തി​യി​രു​ന്നു.

സി​ദ്ധ​രാ​മ​യ്യ​യു​ടെ വ​ലം​കൈ​യാ​യ ഭ​വ​ന​മ​ന്ത്രി സ​മീ​ർ അ​ഹ​മ്മ​ദ് ഖാ​നെ മാ​റ്റ​ണ​മെ​ന്ന ആ​വ​ശ്യം പാ​ട്ടീ​ലും ഗോ​പാ​ല​കൃ​ഷ്ണ​യും ഉ​യ​ർ​ത്തി​യി​ട്ടു​ണ്ട്. സെ​പ്റ്റം​ബ​റോ​ടെ സ​ർ​ക്കാ​റി​ൽ കാ​ര്യ​മാ​യ മാ​റ്റ​മു​ണ്ടാ​കു​മെ​ന്ന് സ​ഹ​ക​ര​ണ മ​ന്ത്രി കെ.​എ​ൻ. രാ​ജ​ണ്ണ​യും പ്ര​സ്താ​വ​ന ന​ട​ത്തി​യി​രു​ന്നു. മ​ന്ത്രി​സ​ഭ പു​നഃ​സം​ഘാ​ട​ന​ത്തി​നു പു​റ​മെ ഒ​ഴി​ഞ്ഞു​കി​ട​ക്കു​ന്ന 22 ബോ​ർ​ഡ്, കോ​ർ​പ​റേ​ഷ​നു​ക​ളി​ൽ ചെ​യ​ർ​മാ​ൻ പ​ദ​വി​യി​ലും നാ​ല് എം.​എ​ൽ.​സി​മാ​രെ നി​ശ്ച​യി​ക്കു​ന്ന​തി​ലും തീ​രു​മാ​ന​മാ​കാ​നു​ള്ള​തും ഡ​ൽ​ഹി​യി​ലെ ച​ർ​ച്ച​യി​ലെ പ്ര​ധാ​ന വി​ഷ​യ​ങ്ങ​ളാ​കും.