ന​െട്ടല്ലില്ലാത്ത ബി.ജെ.പി ട്വിറ്ററിലൂടെ അക്കൗണ്ടൻസി പഠിപ്പിക്കുകയാണെന്ന്​ സിദ്ധരാമയ്യ

ന്യൂഡൽഹി: ബി.ജെ.പിക്കെതിരെ വീണ്ടും രൂക്ഷ വിമർശനവുമായി കർണാടക മുഖ്യമരന്തി സിദ്ധരാമയ്യ.  കേന്ദ്രത്തോട്​ കർഷകരുടെ വായ്​പകൾ എഴുതി തള്ളാൻ ആവശ്യപ്പെടാതെ കർണാടകയിലെ ന​െട്ടല്ലില്ലാത്ത ബി.ജെ.പി ട്വിറ്ററിലൂടെ അക്കൗണ്ടൻസി പാഠങ്ങൾ പഠിപ്പിക്കുകയാണെന്ന്​ സിദ്ധരാമയ്യ വിമർശിച്ചു. 
ജനങ്ങളെ വിഡ്​ഢികളാക്കാൻ കഴിയില്ല. കേന്ദ്രസർക്കാർ കുറച്ച്​ വ്യവസായികളുടെ വായ്​പകളാണ്​ എഴുതി തള്ളിയത്​. എന്നാൽ കോടികണക്കിനു വരുന്ന കർഷകർക്ക്​ സഹായം നൽകാൻ കേന്ദ്രം തയാറായിട്ടില്ല. ബി.ജെ.പിയുടേത്​ സ്യൂട്ട്​ ബൂട്ട്​ സർക്കാറാ​െണന്നും സിദ്ധരാമയ്യ ട്വിറ്ററിലൂടെ തുറന്നടിച്ചു. 

കേന്ദ്രസർക്കാർ കോർപറേറ്റ്​ വായ്​പകൾ എഴുതിതള്ളിയെന്ന കർണാടക ബി.ജെ.പിയുടെ ട്വിറ്ററിനെതിരെ പ്രതികരിക്കുകയായിരുന്നു സിദ്ധരാമയ്യ. 

കഴിഞ്ഞ വർഷങ്ങളിലായി കേന്ദ്രസർക്കാർ 15 കോർപറേറ്റുകളുടെ വായ്​പകൾ എഴുതി തള്ളിയെന്നും ഇത്​ 2.5 ലക്ഷം കോടി രൂപ വരുമെന്നും കോൺഗ്രസ്​ അധ്യക്ഷൻ രാഹുൽ ഗാന്ധിയും ആരോപിച്ചിരുന്നു. മുൻ യു.പി.എ സർക്കാരും കർണാടകയിലെ സിദ്ധരാമയ്യ സർക്കാരും 8000 കോടിയുടെ കാർഷിക വായ്​പ എഴുതി തള്ളിയിരുന്നതായും രാഹുൽ ചൂണ്ടിക്കാട്ടി.