10 ദിവസത്തിനുള്ളിൽ 2600 ശ്രമിക്​ ട്രെയിനുകൾ കൂടി

ന്യൂഡൽഹി: 10 ദിവസത്തിനുള്ളിൽ 2600 ശ്രമിക്​ ട്രെയിനുകൾ ഓടിക്കാൻ റെയിൽവേ. ലോക്​ഡൗൺ മൂലം വിവിധയിടങ്ങളിൽ കുടുങ്ങിയ 39 ലക്ഷം പേരെ ട്രെയിനുകളിലൂടെ സ്വദേശത്തെത്തിക്കുകയാണ്​​ ലക്ഷ്യം. റെയിൽവേ ബോർഡ്​ ചെയർമാൻ വി.കെ യാദവാണ്​ ഇക്കാര്യം അറിയിച്ചത്​.

പ്രതിദിനം 260 ട്രെയിനുകളുടെ സർവീസ്​ നടത്താനാണ്​ റെയിൽവേയുടെ പദ്ധതി. 1000 ടിക്കറ്റ്​ കൗണ്ടറുകൾ തുറക്കുമെന്നും റെയിൽവേ അറിയിച്ചു. ഈ ട്രെയിനുകളിൽ പ്രത്യേക ചാർജായിരിക്കും ഈടാക്കു​ക. 

ശ്രമിക്​ ട്രെയിനുകളുടെ 85 ശതമാനം ചെലവും കേന്ദ്രസർക്കാറാണ്​ വഹിക്കുന്നത്​. 15 ശതമാനം സംസ്ഥാന സർക്കാറുകളാണ്​ വഹിക്കുന്നതെന്നും റെയിൽവേ ബോർഡ്​ ചെയർമാൻ പറഞ്ഞു.