Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബാർ നർത്തകിമാർക്ക്...

ബാർ നർത്തകിമാർക്ക് നേരെ നോട്ട്​വർഷം; 47 പേർ അനാഥ മന്ദിരങ്ങളിൽ പണമടക്കണമെന്ന്​ കോടതി

text_fields
bookmark_border
ബാർ നർത്തകിമാർക്ക് നേരെ നോട്ട്​വർഷം; 47 പേർ അനാഥ മന്ദിരങ്ങളിൽ പണമടക്കണമെന്ന്​ കോടതി
cancel

മുംബൈ: ബാർ നർത്തകിമാർ​ക്ക്​ നേരെ നോട്ടുകൾ വിതറിയ കേസിൽ അറസ്​റ്റിലായ 47 പേർക്ക്​ പിഴ ശിക്ഷ നൽകി മുംബൈ അവധിദിന ക ോടതി. ബദ്​ലാപൂരിലെ അനാഥമന്ദിരത്തിലേക്ക്​ ഒരോ വ്യക്തിയും 3000 രൂപ വീതം നൽക​ണമെന്നാണ്​ കോടതി ഉത്തരവിട്ടത്​.

47 പേരും പൊലീസി​​​​​െൻറ മേൽനോട്ടത്തിൽ പിഴ തുക ബദ്​ലാപൂരിലെ സത്​കർമ്​ ബാലക്​ ആശ്രമം എന്ന അനാഥമന്ദിരത്തിൽ കെട്ടിവെക്കണമെന്ന്​ മജിസ്​ട്രേറ്റ്​ സബിന മാലിക്​ ഉത്തരവിട്ടു.

ഞായറാഴ്​ച വൈകിട്ട്​ ഇന്ത്യാന ബാർ ആൻറ്​ റസ്​റ്റോറൻറിൽ പൊലീസ്​ നടത്തിയ റെയ്​ഡിലാണ്​ ബാർ മാനേജർ, ജീവനക്കാർ എന്നിവരുൾപ്പെടെ 47 പേരെ അറസ്​റ്റു ചെയ്​തത്​. ശേഷം ഇവരെ അവധിദിന കോടതിയിൽ ഹാജരാക്കുകയായിരുന്നു.

ജാമ്യാപേക്ഷ പരിഗണിച്ച മജിസ്​ട്രേറ്റ്​ സബിനാ മാലിക് പ്രതികൾ ഒരു ദിവസമെങ്കിലും ജയിൽ ശിക്ഷ അനുഭവിക്കണമെന്നും എന്നാൽ മാത്രമേ ഇവർ ചെയ്​ത തെറ്റ്​ കുടുംബാംഗങ്ങൾ മനസിലാക്കൂയെന്നും​ പരാമർശം നടത്തി.

എന്നാൽ ഒരു തവണമാത്രമേ ഇത്തരം കുറ്റങ്ങൾ ഒരാൾ ചെയ്യുകയുള്ളൂയെന്നും ജാമ്യം നൽകണമെന്നും പ്രതിഭാഗം അഭിഭാഷകൻ കമലേഷ്​ മോർ വാദിച്ചു. തുടർന്ന്​ പിഴയോടെ ജാമ്യം നൽകാൻ ​മജിസ്​ട്രേറ്റ്​ ഉത്തരവിടുകയായിരുന്നു.

Show Full Article
TAGS:bar girls Showering notes orphanage fine india news 
News Summary - Showering notes on bar girls, 47 men told by court to pay orphanage- India news
Next Story