സ​ഫ​റു​ല്‍ ഇ​സ്​​ലാം ഖാ​നോ​ട് ഡൽഹി സർക്കാർ വിശദീകരണം തേടി

ന്യൂഡൽഹി: സാമൂഹിക മാധ്യമങ്ങളിലെ പോസ്​റ്റിനെതിരെ ഡ​ല്‍ഹി ന്യൂ​ന​പ​ക്ഷ ക​മീ​ഷ​ന്‍ ചെ​യ​ര്‍പേ​ഴ്സ​ണ്‍ ഡോ. ​സ​ഫ​റു​ല്‍ ഇ​സ്​​ലാം ഖാ​നോ​ട് ഡൽഹി സർക്കാർ വിശദീകരണം തേടിയതായി ഹൈകോടതിയെ അറിയിച്ചു. ഇദ്ദേഹത്തിനെതിരെ നടപടി എടുക്കണമെന്നാവശ്യപ്പെട്ട്​​ ലെഫ്​റ്റനൻറ്​ ഗവർണർ അനിൽ ബൈജാൽ മുഖ്യമന്ത്രി അരവിന്ദ്​ കെജ്​രിവാളിന്​ ഏപ്രിൽ 30ന്​ തന്നെ കത്ത്​ നൽകിയതായും ഡൽഹി സർക്കാറി​​െൻറ കൗൺസിൽ അനുപം ​​ശ്രീവാസ്​തവ കോടതിയിൽ പറഞ്ഞു. അദ്ദേഹത്തി​​െൻറ പോസ്​റ്റ്​ സാമൂഹിക മൈത്രിക്ക്​ കളങ്കം വരുത്തുന്നതാണെന്ന്​ കത്തിൽ സൂചിപ്പിച്ചിരുന്നു.​

ഈ കത്തി​​െൻറ അടിസ്​ഥാനത്തിൽ മെയ്​ എട്ടിനാണ്​​ കാരണം കാണിക്കൽ നോട്ടിസ്​ നൽകിയത്​. അലോക്​ അലാഖ്​​ ശ്രീവാസ്​തവ നൽകിയ ഹരജി പരിഗണിക്കവെയാണ്​ കൗൺസിൽ കോടതി മുമ്പാകെ ഇക്കാര്യം ബോധിപ്പിച്ചത്​. ചെയർമാൻ പദവിയിൽനിന്ന്​ ഡൽഹി സർക്കാർ സ​ഫ​റു​ല്‍ ഇ​സ്​​ലാം ഖാനെ നീക്കണമെന്നായിരുന്നു ഹരജി. അതേസമയം, ഡൽഹി സർക്കാർ നടപടിയെടുക്കുന്നത്​ വരെ വിധിപറയുന്നില്ലെന്ന്​ കോടതി അറിയിച്ചു.

സാമൂഹിക മാധ്യമങ്ങളിൽ വിദ്വേഷ പോസ്​റ്റിട്ടുവെന്ന്​ ആരോപിച്ച് ഡോ. സഫറുൽ ഇസ്​ലാം ഖാനെതിരെ ഡൽഹി പൊലീസ്​ ആണ് രാജ്യദ്രോഹം ചുമത്തി കേസെടുത്തത്. ഡൽഹി വസന്ത്​കുഞ്ച്​ സ്വദേശിയുടെ പരാതിയിലായിരുന്നു​ നടപടി.

ഇന്ത്യയിൽ നടക്കുന്ന ഇസ്ലാമോ​ഫോബിയക്കെതിരെ അറബ്​ ലോകത്ത്​ നടന്ന കാമ്പയിനെ അനുകൂലിച്ച്​ ട്വീറ്റ്​ ചെയ്​തതിനാണ്​ അദ്ദേഹത്തിനെതിരെ കേസെടുത്തത്​. ഇതുമായി ബന്ധപ്പെട്ട്​ കുവൈത്തിന്​ നന്ദി പറഞ്ഞായിരുന്നു അദ്ദേഹത്തിന്‍റെ ട്വീറ്റ്​. ത​​ന്‍റെ പരാമർശം ആരെയെങ്കിലും വേദനിപ്പിച്ചിട്ടുണ്ടെങ്കിൽ ഖേദം പ്രകടിപ്പിക്കുന്നതായി പിന്നീട് ഇസ്​ലാം ഖാൻ പറഞ്ഞിരുന്നു.

ന്യൂ​ന​പ​ക്ഷ പ്ര​ശ്ന​ങ്ങ​ളി​ല്‍ ഇ​ര​ക​ള്‍ക്കാ​യി നി​ര​ന്ത​രം ഇ​ട​പെ​ട്ട  ഡ​ല്‍ഹി ന്യൂ​ന​പ​ക്ഷ ക​മീ​ഷ​ന്‍ ചെ​യ​ര്‍പേ​ഴ്സ​ണ്‍ ഡോ. ​സ​ഫ​റു​ല്‍ ഇ​സ്​​ലാം ഖാ​നോ​ട് രാ​ജ്യ​ദ്രോ​ഹ കേ​സി​ല്‍ തി​ങ്ക​ളാ​ഴ്ച ചോ​ദ്യം ചെ​യ്യ​ലി​ന് ഹാ​ജ​രാ​കാ​ന്‍ ഡ​ല്‍ഹി പൊ​ലീ​സ് ആ​വ​ശ്യ​പ്പെട്ടിട്ടുണ്ട്​. കഴിഞ്ഞദിവസം നോ​മ്പു തു​റ​യു​ടെ നേ​ര​ത്ത് മൂ​ന്ന് ഡ​സ​നി​ലേ​റെ പൊ​ലീ​സു​കാ​രു​മാ​യി വീ​ട്ടി​ല്‍വ​ന്ന് ഭീ​ക​രാ​ന്ത​രീ​ക്ഷം സൃ​ഷ്​​ടി​ച്ച​പ്പോ​ള്‍ നാ​ട്ടു​കാ​ര്‍ ഒ​ത്തു​കൂ​ടി​യ​തി​നെ തു​ട​ര്‍ന്നാ​ണ് ചോ​ദ്യം ചെ​യ്യ​ല്‍ തി​ങ്ക​ളാ​ഴ്ച​ത്തേ​ക്ക് മാ​റ്റി​യ​ത്.