Begin typing your search above and press return to search.
exit_to_app
exit_to_app
മഹാരാഷ്​ട്രയിൽ ഇന്നുമുതൽ കടകൾ രാത്രി 10 വരെ പ്രവർത്തിക്കും
cancel
Homechevron_rightNewschevron_rightIndiachevron_rightമഹാരാഷ്​ട്രയിൽ...

മഹാരാഷ്​ട്രയിൽ ഇന്നുമുതൽ കടകൾ രാത്രി 10 വരെ പ്രവർത്തിക്കും

text_fields
bookmark_border

മുംബൈ: അതിതീവ്ര വ്യാപനം നിലനിൽക്കുന്ന 11 ജില്ലകളിലൊ​ഴികെ മഹാരാഷ്​ട്രയിൽ വ്യാപാര സ്​ഥാപനങ്ങൾ രാത്രി 10 വരെ തുറന്നു പ്രവർത്തിക്കാൻ അനുമതി നൽകി സംസ്​ഥാന സർക്കാർ. ഹോട്ടലുകളിൽ പകുതി പേർക്ക് വൈകുന്നേരം നാലുമണിവരെ ​ ഇരുന്ന്​ ഭക്ഷണം കഴിക്കാം. പുണെ, കൊൽഹാപൂർ, സതാറ, സാംഗ്ലി, തുടങ്ങിയ ജില്ലകളിലാണ്​ നിയന്ത്രണം നിലനിൽക്കുക. ​മുംബൈയിൽ നേരത്തെ വൈകുന്നേരം നാലു മണിവരെയായിരുന്നു കടകൾക്ക്​ അനുമതി. നഗരത്തിലും ഇളവ്​ പ്രാബല്യത്തിൽവരും. മരുന്നുകടകൾക്ക്​ 24 മണിക്കൂറും പ്രവർത്തിക്കാം.

ഇൻഡോർ, ഔട്ട്​ഡോർ കളികൾക്കും അനുമതി നൽകിയിട്ടുണ്ട്​. നീന്തൽ കുളങ്ങൾക്ക്​ പക്ഷേ, അനുമതിയായിട്ടില്ല. സിനിമ, ടെലിവിഷൻ പരമ്പര ചിത്രീകരണത്തിനും നിയന്ത്രണങ്ങളോടെ അനുമതി നൽകി. മുംബൈയിൽ മാളുകളും തിയറ്ററുകളും അടച്ചിടൽ തുടരും. ട്രെയിൻ ഗതാഗതം അവശ്യ വിഭാഗക്കാർക്ക്​ പ്രത്യേക മേഖലകളിൽ ആരംഭിക്കും. സ്വകാര്യ ഓഫീസുകൾ വൈകുന്നേരം നാലു മണിവരെ തുറക്കാം. പൊതു മൈതാനങ്ങളും ഉദ്യാനങ്ങളും തുറക്കും. രാവിലെ അഞ്ചു മുതൽ ഒമ്പതുവരെ മാത്രമാകും തുറക്കുക.

മഹാരാഷ്​ട്രയിൽ തിങ്കളാഴ്ച 4,869 പേർക്കാണ്​ രോഗം സ്​ഥിരീകരിച്ചത്​. 90 മരണവും റിപ്പോർട്ട്​ ചെയ്​തു.

Show Full Article
TAGS:Maharashtra covid lockdown Shops open till 10pm 
News Summary - Shops to operate on all days till 10pm from today in Maharashtra
Next Story