'ഈ കെട്ടകാലത്ത്​ ഉല്ലാസത്തിന്‍റെ ആഘോഷ ചിത്രങ്ങൾ പോസ്റ്റ്​ ചെയ്യുന്ന സെലിബ്രിറ്റികളേ..ഇത്​ ആഭാസത്തിന്‍റെ അങ്ങേയറ്റമാണ്​'

മുംബൈ: രാജ്യം കോവിഡ്​ ഭീതിയിൽ വിറങ്ങലിച്ചുനിൽക്കു​േമ്പാൾ ഉല്ലാസ കേന്ദ്രങ്ങളിൽ ഉന്മാദിക്കുന്ന തങ്ങളുടെ ചിത്രങ്ങൾ ലോകത്തിനുമുമ്പാകെ പ്രദർശിപ്പിക്കാൻ വെമ്പുന്ന ബോളിവുഡ്​ സെലിബ്രിറ്റികളെ കണക്കിന്​ പരിഹസിച്ച്​ എഴുത്തുകാരി ശോഭാ ഡേ. നാട്​ ദുരന്തത്തിലമരു​േമ്പാൾ സിനിമാ താരങ്ങൾ ടൂറിസ്റ്റ്​ കേന്ദ്രങ്ങളിൽ ചേക്കേറി അവധിയാഘോഷിക്കുന്നതിന്‍റെ ചിത്രങ്ങൾ സാമൂഹിക മാധ്യമങ്ങളിൽ പോസ്റ്റ്​ ചെയ്യുന്നതിനെ വിമർശിച്ച്​ സെലബ്രിറ്റി മാനേജർ രോഹിണി അയ്യർ ഇൻസ്റ്റാഗ്രാമിലെഴുതിയ കുറിപ്പ്​ പങ്കുവെച്ചാണ്​ ശോഭാ ഡേ താരങ്ങളുടെ മനോഭാവത്തെ തുറന്നെതിർത്തത്​. ആഭാസത്തിന്‍റെ അങ്ങേയറ്റമാണിതെന്ന്​ അവർ ഇൻസ്​റ്റാഗ്രാമിൽ കുറിച്ചു.

'രോഹിണി അയ്യർ ഹൃദയാഹാരിയായി എഴുതിയ ഈ കുറിപ്പ്​ ​ഏറെ ഇഷ്​ടപ്പെട്ടു. അതിവി​െട പങ്കുവെക്കുകയാണ്​. ഈ സന്ദേശം എല്ലായിടവുമെത്തണമെന്നാണ്​ ആഗ്രഹം. കാര്യങ്ങൾ രോഹിണി നന്നായി പറഞ്ഞു. ഇത്തരം പരിഹാസകരമായ ചിത്രങ്ങൾ പ്രദർശിപ്പിക്കുന്നത്​ ആഭാസത്തിന്‍റെ അങ്ങേയറ്റമാണ്​. നിങ്ങൾ മാലദ്വീപിൽ ആഘോഷം കൊഴുപ്പിച്ചോളൂ. പ്രതീക്ഷയറ്റ ഇൗ കെട്ട കാലത്ത്​ ഇത്തരം അവധിയെടുക്കാൻ പറ്റുന്ന നിങ്ങൾ അനുഗൃഹീതരാണ്​. പക്ഷേ, മറ്റുള്ളവർക്ക്​ നിങ്ങളൊരു ഉപകാരം ചെയ്യണം....ദയവായി ആ ചിത്രങ്ങളൊക്കെ സ്വകാര്യമായി സൂക്ഷിക്കൂ' -ശോഭാ ഡേ എഴുതി.

ഏറെ കൈയടികളോടെയാണ്​ ശോഭാ ഡേയുടെയും രോഹിണി അയ്യരുടെയും അഭിപ്രായങ്ങളെ സോഷ്യൽ മീഡിയ സ്വീകരിച്ചത്​. മഹാരാഷ്​ട്ര കോവിഡിലമർന്ന്​ കർശന നിയന്ത്രണങ്ങളിൽ വലയു​േമ്പാൾ രൺബീർ കപൂർ, ആലിയ ഭട്ട്​, സാറാ അലി ഖാൻ, അമൃത സിങ്​, ടൈഗർ ഷ്​റോഫ്​, ദിഷ പടാനി തുടങ്ങിയ ഒ​േട്ടറെ പ്രമുഖർ വിലക്കുകളിൽനിന്ന്​ രക്ഷപ്പെട്ട്​ മാലദ്വീപിൽ ഉല്ലാസത്തിലാണ്​. ഇവർ അവധിയാഘോഷത്തിന്‍റെ ചിത്രങ്ങൾ സമൂഹ മാധ്യമങ്ങളിൽ പോസ്റ്റ്​ ചെയ്യുന്നത്​ ഇ​പ്പോൾ ഏ​െറ വിമർശനങ്ങൾക്ക്​ വഴിവെക്കുകയാണ്​. ഈ ചിത്രങ്ങൾക്ക്​ താഴെ ആളുകൾ തങ്ങളുടെ രൂക്ഷമായ എതിർപ്പ്​ കമന്‍റ്​ ചെയ്യുന്നുമുണ്ട്​.

രോഹിണി അയ്യരുടെ ഇൻസ്റ്റഗ്രാം പോസ്​റ്റ്​

'നിങ്ങളെല്ലാവരും മാലദ്വീപിലും ഗോവയിലും നയനമനോഹരമായ മറ്റിടങ്ങളിലും ഒഴിവുകാലം ചെലവിടുകയായിരിക്കാം. നിങ്ങൾക്ക്​ ഇത്​ അവധിസമയമാണ്​. പക്ഷേ, നിങ്ങളുടെ ചുറ്റിലുമുള്ളത്​ വിനാശകാരിയായ മഹാമാരിയാണെന്നതു മറക്കരുത്​​. അതുകൊണ്ട്,​ നിങ്ങൾ ഈ സമയത്ത്​ അനുഗ്രഹപൂർണമായ ജീവിതത്തിന്‍റെ വർണചിത്രങ്ങൾ പോസ്റ്റ്​ ചെയ്യുന്ന നിർവികാരരായ വിഡ്​ഢികളാകാതിരിക്കുക. തലച്ചോറില്ലാത്തവർ മാത്രമല്ല, അന്ധരും ബധിരരുമാകാതിരിക്കുക. നിങ്ങളുടെ ഇൻസ്റ്റാഗ്രാം അക്കങ്ങൾ പെരുപ്പിക്കാനുള്ള സമയമല്ലിത്​. അവസരത്തിനൊത്തുയർന്ന്​, ആളുകളെ സഹായിക്കേണ്ട സന്ദർഭമാണ്​​. അതിനു പറ്റുന്നില്ലെങ്കിൽ വായടച്ച്​ വീട്ടിലിരിക്കുക. അല്ലെങ്കിൽ മാസ്​കണിഞ്ഞ്​ നിങ്ങളുടെ ഹോളിഡേ ഹോമിൽ ശാന്തരായിരിക്കുക. ഫോ​ട്ടോകൾ ലോകത്തിനുമുമ്പാതെ പ്രദർശിപ്പിക്കാൻ ഇത്​ ഫാഷൻ വീക്കോ കിങ്​ഫിഷർ കലണ്ടർ ടൈമോ അല്ല'.