ശിവസേന നേതാവ്​ അരവിന്ദ്​ സാവന്ത് കേന്ദ്ര മന്ത്രിസഭയിൽ നിന്ന്​​ രാജി പ്രഖ്യാപിച്ചു

ന്യൂഡൽഹി: ശിവസേന നേതാവ്​ അരവിന്ദ്​ സാവന്ത് കേന്ദ്ര മന്ത്രിസഭയിൽ നിന്ന്​​ രാജി പ്രഖ്യാപിച്ചു. മഹാരാഷ്​ട്രയി ലെ രാഷ്​ട്രീയ സംഭവ വികാസങ്ങൾക്ക്​ തുടർച്ചയായാണ്​ രാജി. ശിവസേനയുടെ പക്ഷമാണ്​ ശരിയെന്നും ഇൗ സാഹചര്യത്തിൽ കേന് ദ്ര സർക്കാറിൽ തുട​േരണ്ട കാര്യമില്ലെന്നും അരവിന്ദ്​ സാവന്ത്​ ട്വീറ്റ്​ ചെയ്​തു. ലോക്​സഭ തെരഞ്ഞെടുപ്പിന്​ മു മ്പ്​ തന്നെ അധികാരം സംബന്ധിച്ച്​ ബി.ജെ.പിയുമായി കരാറുണ്ടായിരുന്നു. ഇൗ കരാർ ലംഘിക്കുന്നത്​ മര്യാദകേടാണ്​. വാർത ്താസമ്മേളനം വിളിച്ച്​ കാര്യങ്ങൾ വ്യക്തമാക്കുമെന്നും അദ്ദേഹം കൂട്ടിച്ചേർത്തു.

शिवसेनेची बाजू सत्याची आहे. अशा खोट्या वातावरणात दिल्लीतील सरकार मध्ये तरी का रहायचे?
आणि म्हणूनच मी केंद्रीय मंत्री पदाचा राजीनामा देत आहे. या संदर्भात आज सकाळी ११.०० वा. दिल्ली येथे मी पत्रकार परिषद (Press Conference) घेणार आहे.

— Arvind Saw ant (@AGSawant) November 11, 2019

മഹാരാഷ്ട്രയിൽ സർക്കാർ രൂപീകരിക്കുന്നതിൽ നിന്ന്​ ബി.ജെ.പി പിൻമാറിയതിനെ തുടർന്ന് സക്കാർ രൂപീകരിക്കാൻ രണ്ടാമത്തെ വലിയ ഒറ്റകക്ഷിയായ ശിവസേനയെ ഗവർണർ ക്ഷണിച്ചിരുന്നു. തെ​ര​ഞ്ഞെ​ടു​പ്പി​ൽ ഒരുമിച്ച് മ​ത്സ​രി​ച്ച ശിവസേനയുമായുള്ള സഖ്യം തകർന്നതോടെയാണ് ബി.ജെ.പിക്ക് സർക്കാർ രൂപീകരണത്തിൽനിന്ന് പിന്മാറേണ്ടി വന്നത്.

എൻ.സി.പിയുടേയും കോൺഗ്രസിൻറയും പിന്തുണയോടെ സർക്കാർ രൂപീകരിക്കാമെന്ന ചിന്തയിലാണ്​ ശിവസേന. എൻ.ഡി.എ മുന്നണി വിടാതെ മഹാരാഷ്​ട്രയിൽ സർക്കാർ രൂപീകരണവുമായി ബന്ധപ്പെട്ട് ശിവസേനയുമായി​ ചർച്ചക്കില്ലെന്നും ശിവസേന മന്ത്രി കേന്ദ്രമന്ത്രിസഭയിൽ നിന്ന്​ രാജി ​െവക്കണമെന്നും​ എൻ.സി.പി അധ്യക്ഷൻ ശരത്​ പവാർ വ്യക്തമാക്കിയിരുന്നു.

50:50 എന്ന നിലയിൽ സർക്കാറിൽ പ്രാതിനിധ്യം വേണമെന്ന ശിവസേനയുടെ ആവശ്യം നിരാകരിച്ചതോടെയാണ്​ മഹാരാഷ്​ട്രയിൽ ബി.ജെ.പി-ശിവസേന സഖ്യം പരാജയപ്പെടുന്നത്​. ശിവസേനയുമായി സഖ്യമുണ്ടാക്കാനുള്ള ശ്രമങ്ങളെല്ലാം പരാജയപ്പെട്ടതിനു​ പിന്നാലെ, കാവൽ സർക്കാറിന്‍റെ കാലാവധി അവസാനിക്കാനിരിക്കെ കഴിഞ്ഞ ദിവസം മുഖ്യമന്ത്രി ദേവേന്ദ്ര ഫട്​നാവിസ്​ രാജിവെച്ചിരുന്നു.

കോൺഗ്രസ്​, ബി.ജെ.പി, എൻ.സി.പി യോഗങ്ങൾ

നിലവിൽ ഉയർന്നുവന്ന രാഷ്​ട്രീയ സംഭവ വികാസങ്ങൾ ചർച്ച ചെയ്യാൻ കോൺഗ്രസ്​, ബി.ജെ.പി, എൻ.സി.പി യോഗങ്ങൾ നടന്നു. കോൺഗ്രസ് ഇടക്കാല അധ്യക്ഷ സോണിയ ഗാന്ധിയുടെ വസതിയിൽ ചേർന്ന​ കോൺഗ്രസ്​ പ്രവർത്തക സമിതി യോഗത്തിൽ മഹാരാഷ്​ട്രയിൽ സ്വീകരിക്കേണ്ട നിലപാട്​ സംബന്ധിച്ച്​ ചർച്ച ചെയ്​തു. ശിവസേനയെ​ പിന്തുണക്കണമോ എന്ന കാര്യമായിരുന്നു യോഗത്തിൻെറ മുഖ്യ അജണ്ട.​

മഹാരാഷ്​ട്രയിലെ സർക്കാർ രൂപീകരണവുമായി ബന്ധപ്പെട്ട കാര്യങ്ങൾ ചർച്ച ചെയ്യുന്നതിനായി ദേശീയ അധ്യക്ഷൻ ശരത്​ പവാറിൻെറ നേതൃത്വത്തിൽ എൻ.സി.പി കോർ കമ്മറ്റി യോഗം മുംബൈയിൽ ചേർന്നു. പ്രഫുൽ പ​ട്ടേൽ, സുപ്രിയ സുലേ, അജിത്​ പവാർ, ജയന്ത്​ പാട്ടീൽ തുടങ്ങി മുതിർന്ന നേതാക്കൾ യോഗത്തിൽ പ​ങ്കെടുത്തു.

തിങ്കളാഴ്​ച​ ചേർന്ന ബി.ജെ.പി കോർ കമ്മറ്റി യോഗം ശിവസേനയുടെ പുതിയ നീക്കം സംബന്ധിച്ച്​ ചർച്ച ചെയ്​തു. മുംബൈയിൽ ദേവേന്ദ്ര ഫട്​നാവിസിൻെറ വസതിയിലായിരുന്നു​ യോഗം.