ബിഹാറിന്​ മാ​ത്രം വാക്​സിനോ?; മറ്റു സംസ്ഥാനത്തുള്ളവർ പാകിസ്​താൻകാരല്ല -ബി.ജെ.പിക്കെതിരെ ശിവസേന

ന്യൂഡൽഹി: ബിഹാറിൽ അധികാരത്തിലെത്തിയാൽ എല്ലാവർക്കും കോവിഡ്​ വാക്​സിൻ നൽകുമെന്ന ബി.ജെ.പി വാഗ്​ദാനത്തിനെതിരെ ആഞ്ഞടിച്ച്​ ശിവസേന. മറ്റുസംസ്ഥാനത്തുള്ളവർ പാകിസ്​താൻകാരല്ലെന്നും ബി.ജെ.പി തരം താഴ്​ത്ത രാഷ്​ട്രീയക്കളി നടത്തുകയാണെന്നും ശി​വസേന വിമർശനമുയർത്തി.

പാർട്ടി മുഖപ​ത്രമായ സാമ്​നയിലൂടെയാണ്​ ശിവസേനയുടെ വിമർ​ശനമുന്നയിച്ചത്​. രാജ്യമൊന്നാകെ കോവിഡിനെതിരെ പൊരുതു​േമ്പാൾ വാക്​സിനെവെച്ച്​ എന്തിനാണ്​ രാഷ്​ട്രീയം കളിക്കുന്നത്​. ബിഹാറുകാർ മാത്രമല്ല, എല്ലാവരും വാക്​സിന്​ അർഹരാണെന്നും ശിവസേന പ്രതികരിച്ചു.

കുറച്ചുദിവസം മുമ്പ്​ പ്രധാനമന്ത്രി നരേന്ദ്ര മോദി പറഞ്ഞത്​ വാക്​സിൻ വികസിപ്പിച്ചുകഴിഞ്ഞാൽ മതത്തി​െൻറയും ജാതിയുടെയും സംസ്ഥാനത്തി​െൻറയും വിവേചനമില്ലാതെ എല്ലാവർക്കും എത്തി​ക്കുമെന്നാണ്​. പക്ഷേ ബിഹാർ തെരഞ്ഞെടുപ്പായപ്പോൾ മാറ്റിപ്പറഞ്ഞിരിക്കുന്നു. ആരാണ്​ ബി.ജെ.പിയെ നയിക്കുന്നതെന്നും ശിവസേന ചോദിച്ചു.

ബിഹാറിൽ തനിച്ച്​ 50 സീറ്റിൽ മത്സരിക്കുമെന്ന്​ ശിവസേന നേരത്തേ അറിയിച്ചിരുന്നു.