‘ഞങ്ങള്‍ ഇവിടെ അനാഥരെപോലെ’; കേന്ദ്രത്തിൻെറ കനിവ്​ കാത്ത്​ ഇന്ത്യയിൽ നിന്നുള്ള കപ്പൽ ജീവനക്കാർ

കൊണ്ടോട്ടി: ‘ഇന്തോനേഷ്യ, ഫിലിപ്പീന്‍സ് തുടങ്ങിയ രാജ്യങ്ങള്‍പോലും അവരുടെ പൗരൻമാരെ കൊണ്ടുപോയി. നിങ്ങളെ ഇന്ത്യക്ക്​  വേണ്ടേയെന്ന്​ കപ്പല്‍ കമ്പനി മാനേജ്മ​െൻറ്​ ചോദിച്ച് തുടങ്ങി. ഞങ്ങള്‍ കുറച്ചുപേര്‍ ഇവിടെ അനാഥരെപോലെ  ജീവിക്കുകയാണ്​’ - അമേരിക്കന്‍ കമ്പനിയായ അപ്പോളോ ഗ്രൂപ്പി​​െൻറ പഞ്ചനക്ഷത്ര കപ്പലായ എക്‌സ്‌പ്ലോറര്‍ ടുവിലെ ജീവനക്കാരൻ കൊണ്ടോട്ടി മുതവല്ലൂര്‍ സ്വദേശി ലുബൈബി​​െൻറ വാക്കുകളാണിത്. 

കപ്പലിലെ ടെക് സൂപ്പർവൈസറാണ് ഇദ്ദേഹം. 37 ദിവസത്തെ മെക്‌സികോ-ഇംഗ്ലണ്ട് യാത്രക്കൊടുവില്‍ ഇംഗ്ലണ്ടിലെ സൗതമ്പ്ടണില്‍ കപ്പല്‍ കോവിഡ് മൂലം നിർത്തിയിരിക്കുകയാണ്. 77 രാജ്യങ്ങളിലെ ജീവനക്കാര്‍ ഈ കപ്പലില്‍ ജോലിക്കാരായി ഉണ്ടായിരുന്നു. എന്നാല്‍, ഇന്ത്യയടക്കം നാല്​ രാജ്യങ്ങളിലെ ജീവനക്കാര്‍ മാത്രം നാട്ടിലേക്ക് എത്താനാകാതെ പ്രയാസത്തിലാണ്. 

‘‘കമ്പനിക്ക് സ്വന്തം വിമാനമുണ്ട്. അവര്‍ വിമാനത്തില്‍ നാട്ടിലെത്തിക്കാന്‍ തയാറാണ്. അവര്‍ അതിനായി കേന്ദ്രസര്‍ക്കാറിനെ പലതവണ സമീപിച്ചു. എന്നാല്‍, അനുകൂല തീരുമാനമുണ്ടാകുന്നില്ല’’- ലുബൈബ് ‘മാധ്യമ’ത്തോട് പറഞ്ഞു. ജീവനക്കാര്‍ക്കെല്ലാം കോവിഡ് പരിശോധന നടത്തിയിരുന്നു. എന്നാല്‍, ആരുടെതും പോസിറ്റിവല്ലെന്നും ലുബൈബ് പറഞ്ഞു. 

27 മലയാളികള്‍ ഈ കപ്പലില്‍ ജോലിചെയ്യുന്നുണ്ട്. സൗതമ്പ്ടണിലുള്ള മറ്റ്​ മൂന്ന് ആഡംബര കപ്പലിലേതടക്കം നാനൂറോളം ഇന്ത്യക്കാരായ ജീവനക്കാര്‍ സര്‍ക്കാറി​​െൻറ കനിവ് കാത്തിരിക്കുകയാണെന്നും ലുബൈബ് പറഞ്ഞു. മുതുവല്ലൂരിലെ പരേതനായ പി.പി. ഇബ്രാഹിംകുട്ടി ഹാജിയുടെ മകനാണ് ലുബൈബ്​. ഒമ്പതുമാസം മുമ്പാണ് നാട്ടില്‍വന്നുപോയത്.