കോണ്‍ഗ്രസിന് കറുത്ത ദിനമെന്ന് ഷെഹ്സാദ് പൂണവാല

മുംബൈ: കോണ്‍ഗ്രസ് പാര്‍ട്ടിക്ക് ഇത് കറുത്ത ദിനമെന്ന് മഹാരാഷ്​ട്ര പ്രദേശ് കോണ്‍ഗ്രസ് കമ്മിറ്റി സെക്രട്ടറി ഷെഹ്സാദ് പൂണവാല. രാഹുല്‍ ഗാന്ധി പാര്‍ട്ടി പ്രസിഡൻറ്​ പദവിയിലേക്ക് നാമനിര്‍ദേശപത്രിക സമര്‍പ്പിച്ചതിനെ വിമര്‍ശിച്ചാണ് പൂണവാല  രംഗത്തുവന്നത്. പാര്‍ട്ടി പദവിയിലേക്കുള്ള തെരഞ്ഞെടുപ്പ് പ്രഹസനമാണെന്നും അദ്ദേഹം ആരോപിച്ചു. ‘ഗാന്ധി’ പേരി​​െൻറ ബലത്തിലല്ലാതെ നേരിട്ട് കഴിവ് തെളിയിക്കാന്‍ നേര​േത്ത രാഹുലിനെ വെല്ലുവിളിച്ചിരുന്നു. പൂണവാലയുടെ ആരോപണങ്ങളെ ഗുജറാത്ത് തെരഞ്ഞെടുപ്പ് പ്രചാരണത്തിനിടെ പിന്തുണച്ച് പ്രധാനമന്ത്രി നരേന്ദ്ര മോദി രംഗത്തുവരുകയും അതിന് പൂണവാല നന്ദി പറയുകയും ചെയ്തിരുന്നു.