'അവൾ സ്​ത്രീയല്ല'; മൂന്നാം ഭാര്യയിൽനിന്നും വിവാഹമോചനം ആവശ്യപ്പെട്ട്​ യുവാവ്​

ലുധിയാന: സ്​ത്രീ അല്ലാത്തതിനാൽ മൂന്നാം ഭാര്യയിൽനിന്ന്​ വിവാഹം മോചനം വേണമെന്ന്​ ആവശ്യ​െപ്പട്ട്​​ യുവാവ്​. താൻ വിവാഹം കഴിച്ചത്​ സ്​ത്രീയെ അല്ലെന്നും തന്നെ കബളിപ്പിച്ചതിന്​ ഭാര്യക്കും മാതാപിതാക്കൾക്കുമെതിരെ കേസ്​ എടുക്കണമെന്നും യുവാവ്​ ആവശ്യപ്പെടുന്നു.

ശനിയാഴ്​ച ലുധിയാന പൊലീസ്​ കമീഷണറേറ്റി​െൻറ മെഗാ ക്യാമ്പിലാണ്​ സംഭവം. ആദ്യ രണ്ടു ഭാര്യമാരിൽനിന്നും ഇയാൾ വിവാഹ​േമാചനം നേടിയിരുന്നു. തുടർന്ന്​ 11 മാസം മുമ്പ്​ ഇയാൾ മൂന്നാമതും വിവാഹിതനാകുകയായിരുന്നു. വിവാഹം കഴിഞ്ഞ്​ മൂന്നാമത്തെ ദിവസം ഭാര്യക്ക്​ ശാരീരിക പ്രശ്​നങ്ങളുള്ളതായി ഇയാൾ ആരോപിച്ചു. ഇതോടെ ഒമ്പതാം ദിവസം ഭാര്യ സ്വന്തം വീട്ടി​ലേക്ക്​ മടങ്ങുകയായിരുന്നു. ആദ്യ ഭർത്താവി​െൻറ മരണശേഷം രണ്ടാം വിവാഹം കഴിച്ചതായിരുന്നു യുവതി.

വീട്ടിലെത്തിയ യുവതി ഭർത്താവിനും കുടുംബത്തിനുമെതിരെ സ്​ത്രീധന പീഡനത്തിന്​ പരാതി നൽകുകയായിരുന്നു. തുടർന്നാണ്​ ഇരുവരെയും ക്യാമ്പിലെത്തിച്ചത്​. രണ്ടു കൂട്ടരെയും വിളിച്ചുവരുത്തിയ പൊലീസ്​ ഇരു കുടുംബങ്ങളുടെയും വാദങ്ങൾ കേട്ടു. ഭാര്യയെ മൂന്നംഗ ഡോക്​ടർമാരുടെ സംഘം പരിശോധനക്ക്​ വിധേയമാക്കും. ഇരുവരെയും കൗൺസലിങ്ങിന്​ വിധേയമാക്കുമെന്നും പരസ്​പരം സഹകരിച്ച്​ കേസ്​ ഒത്തുതീർപ്പാക്കുമെന്നും കൗൺസലർ സുർജിത്​ ഭഗത്​ പറഞ്ഞു.