മതത്തിന്‍റെ പേരിൽ രാജ്യത്തെ വിഭജിക്കുന്നു -ശശി തരൂർ

ന്യൂഡൽഹി: ഇന്ത്യയുടെ അടിസ്ഥാന മൂല്യങ്ങളെ ഇല്ലാതാക്കുന്നതാണ് പൗരത്വ ഭേദഗതി ബില്ലെന്ന് ശശി തരൂർ എം.പി. പ്രത്യയശാസ്ത്രം, പ്രദേശം, ഭാഷ എന്നിവയുടെ പേരിൽ സ്വാതന്ത്ര്യ സമരത്തിൽ പോലും വിവേചനം ഉണ്ടായിട്ടില്ല. മതത്തിന്‍റെ പേരിൽ രാജ്യത്തെ വിഭജിക്കുകയാണെന്നും ശശി തരൂർ ചൂണ്ടിക്കാട്ടി.

ലോക്സഭയിൽ പൗരത്വ ഭേദഗതി ബില്ലിനെ എതിർത്ത് സംസാരിക്കുകയായിരുന്നു അദ്ദേഹം.