കേന്ദ്ര സർക്കാറിന്​ അഹങ്കാരത്തിനൊപ്പം ഭയവും വർധിച്ചു -ശശി തരൂർ

കോഴിക്കോട്​: കേന്ദ്ര സർക്കാറിന്​ അഹങ്കാരത്തിനൊപ്പം ഭയവും വർധിച്ചതായി ശശി തരൂർ എം.പി. അഭിപ്രായം പറയുന്നവരെ ജയിലിലടക്കാൻ ശ്രമിക്കുന്നത്​ സർക്കാറി​‍െൻറ ഭയത്തി​‍െൻറ ലക്ഷണമാണെന്ന്​ ദേവഗിരി സെൻറ്​ ജോസഫ്​സ്​ കോളജിൽ നടന്ന സംവാദ പരിപാടിക്കിടെ ശശി തരൂർ അഭിപ്രായപ്പെട്ടു.

ഭരിക്കുന്നവരുടെ ദുർബലതയുടെ ലക്ഷണമാണ്​, കർഷകസമരത്തെ പിന്തുണച്ച ഗ്രെറ്റ തുൻബർഗി​‍െൻറ ട്വീറ്റ്​ ഷെയർ ചെയ്​ത ദിശ രവിയെ ബംഗളൂരുവിൽനിന്ന്​ അറസ്​റ്റ്​ ചെയ്​ത്​ ഡൽഹിയിലെത്തിച്ച്​ ജയിലിലടച്ചത്​. വെറും 21 വയസ്സുകാരിക്ക്​ സർക്കാറിനെ വീഴ്​ത്താനാകുമോയെന്ന്​ ശശി തരൂർ ചോദിച്ചു. ഇന്ത്യൻ ജനാധിപത്യത്തിന്​ നാണക്കേടാണ്​ ഇത്തരം സംഭവങ്ങൾ.

രാജ്യത്ത്​ അഭിപ്രായ സ്വാതന്ത്ര്യം വരാൻ ബി.ജെ.പിയുടെ സർക്കാർ മാറേണ്ടിവരും. അതുവരെ അടങ്ങിയിരിക്കാതെ യുവജനത അവരു​െട ശബ്​ദം കേൾപ്പിക്കണം. രാജ്യത്തി​ന്​ പേരുദോഷമുണ്ടാകുന്ന നടപടികളാണിതെല്ലാം. ലോകം മുഴുവൻ ഇതെല്ലാം കാണുന്നുണ്ടെന്നും അദ്ദേഹം ഓർമിപ്പിച്ചു.