‘ഔട്ട്​ ഗോയിങ്​ സർ ജി’- മോദിയെ പരിഹസിച്ച്​ ശത്രുഘ്​നൻ സിൻഹ

ന്യൂഡൽഹി: പ്രധാനമന്ത്രി നരേന്ദ്രമോദിയെ ഔട്ട്​ ഗോയിങ്​ സർ ജി യെന്ന്​ അഭിസംബോധന ചെയ്​ത്​ ശത്രുഘ്​നൻ സിൻഹ. ട്വീറ്ററിലൂടെ മോദിയെ ‘പുറത്തുപോകാനിരിക്കുന്ന സർ’ എന്ന്​ അഭിസംബോധന ചെയ്​ത സിൻഹ രൂക്ഷ വിമർശനമാണ്​ നടത്തിയിരിക്കുന്നത്​. പണം നൽകി വാർത്തകൾ നൽകുന്നതിനെയും, റാലികൾക്ക്​ ആളെ എത്തിക്കുന്നതിനെയും ഇ.വി.എം കൃത്രിമത്വം നടത്തുന്നതിനെതിരെയും പരിഹസിച്ചുകൊണ്ടാണ്​ മുൻ ബി.ജെ.പി എം.പി കൂടിയായ സിൻഹ ട്വീറ്റ്​ ചെയ്​തിരിക്കുന്നത്​.

‘‘ബഹുമാനപ്പെട്ട ഔട്ട്​ ഗോയിങ്​ സർജി, നിങ്ങൾ ​ ഒരുപാട്​ പണം ചാനലുകളിൽ പെയ്​ഡ്​ ന്യൂസിനായി ചെലവഴിക്കുന്നു. റാലികൾക്ക്​ ആളുകളെ കൂട്ടുന്നതിന്​ പണം നൽകുന്നു. നിങ്ങൾ പ്രസംഗിക്കു​േമ്പാൾ പണം വാങ്ങിയെത്തിയവർ കരാറുകാരൻ നൽകുന്ന സിഗ്​നൽ നോക്കി പ്രസംഗത്തിന്​ മുമ്പും ശേഷവും മോദിയെന്ന പേര്​ ഉറ​െക വിളിച്ചു പറയുന്നു. താങ്കളുടെ പ്രസംഗത്തിന്​ നല്ല ഉള്ളടക്കവും ആശയങ്ങളും ആഴവുമുണ്ടായിരുന്നു. എന്നാൽ ഇപ്പോൾ ദീർഘിപ്പിച്ചുള്ള പ്രസംഗങ്ങൾ ആവർത്തന വിരസതയുള്ളതും മടുപ്പിക്കുന്നതുമാണ്​.’’- സിൻഹ ട്വീറ്റിൽ പറയുന്നു.

ഇ.വി.എം കൃത്രിമത്വവും എല്ലാതരത്തിലുള്ള അഹന്തകളും മാറ്റി നിർത്തിയാൽ ഇപ്പോഴും താങ്കളുടെ അഭ്യുദയകാംക്ഷിയാണ്​ താനെന്നും സിൻഹ പറയുന്നു.

വാർത്തകൾക്ക്​ വേണ്ടി ചാനലുകൾക്ക്​ പണം നൽകുന്നത്​ അവസാനിപ്പിച്ച്​ രവീഷ്​ കുമാർ, പ്രസൂൻ വാജ്​പേയി എന്നിവരെ പോലെ പത്രസമ്മേളനം വിളിക്കാനുള്ള ആർജ്ജവം കാണിക്കണമെന്നും അദ്ദേഹം ആവശ്യപ്പെട്ടു. നിശബ്​ദരാക്കാൻ കഴിയാത്തവരും മുഖസ്​തുതിക്കാരുമല്ലാത്ത മാധ്യമപ്രവർത്തകരോട്​ സംവദിക്കണമെന്നും സിൻഹ ട്വീറ്റുകളിലൂടെ ആവശ്യപ്പെടുന്നു.