എൻ.സി.പി നേതാവ്​ ശരദ്​ പവാറിനെ ശസ്​ത്രക്രിയക്ക്​ വിധേയമാക്കും

മുംബൈ: നാഷനലിസ്റ്റ്​ കോൺഗ്രസ്​ നേതാവ്​ ശരദ്​ പവാറിനെ ശസ്​ക്രിയക്ക്​ വിധേയനാക്കും. പിത്തസഞ്ചിയിലെ പ്രശ്​നങ്ങളെ തുടർന്നാണ്​ ശസ്​ത്രിക്രിയ.

മാർച്ച്​ 31ന്​ ഇദ്ദേഹത്തെ തെക്കൻ മുംബൈയിലെ ബ്രീച്ച്​ കാൻഡി ആശുപത്രിയിൽ പ്രവേശിപ്പിക്കുമെന്ന്​ എൻ.സി.പി നേതാവ്​ നവാബ്​ മാലിക്​ പറഞ്ഞു.

അടിവയറ്റിൽ വേദന അനുഭവപ്പെട്ടതിനെ തുടർന്ന്​ ശരദ്​ പവാറിനെ ​ബ്രീച്ച്​ കാൻഡി ആശുപത്രിയിലെത്തി പരിശോധനക്ക്​ വിധേയമാക്കുകയായിരുന്നു​. അവിടെവെച്ച്​ നടത്തിയ പരിശോധനയിൽ പിത്തസഞ്ചിയിൽ പ്രശ്​നങ്ങൾ സ്​ഥിരീകരിക്കുകയായിരുന്നു. തുടർന്ന്​ പവാറിന്​ ശസ്​ക്രിയ നിർദേശിച്ചു.

ആരോഗ്യ സ്​ഥിതി മോശമായതിനെ തുടർന്ന്​ വരും ദിവസങ്ങളിൽ അദ്ദേഹത്തിന്‍റെ പരിപാടികളെല്ലാം റദ്ദാക്കിയതായും നവാബ്​ മാലിക്​ അറിയിച്ചു.