പവാറിനെ വെടിവെച്ചു കൊല്ലുമെന്ന് ഭീഷണി

മുംബൈ: എൻ.സി.പി അധ്യക്ഷനും മുൻ കേന്ദ്രമന്ത്രിയുമായ ശരദ് പവാറിന് വീണ്ടും വധഭീഷണി. നഗരത്തിൽ അദ്ദേഹം താമസിക്കുന്ന സിൽവർ ഓക് ബംഗ്ലാവിലാണ് ചൊവ്വാഴ്ച ഫോൺകാൾ വന്നത്. വെടിവെച്ചു കൊല്ലുമെന്നാണ് ഭീഷണി.

നേരത്തെയും പാവാറിന് സമാന വധ ഭീഷണി ഉണ്ടായിരുന്നു. അന്ന് അറസ്റ്റിലായ അതേ ബിഹാരി സ്വദേശിയാണ് ചൊവ്വാഴ്ചയും ഫോണിൽ വധഭീഷണി നടത്തിയതെന്ന് പൊലീസ് പറഞ്ഞു. നിലവിൽ ജാമ്യത്തിൽ കഴിയുന്ന ഇയാളെ വീണ്ടും അറസ്റ്റ് ചെയ്യുമെന്നും പൊലീസ് വ്യക്തമാക്കി.